PARNO ADAT TIGO LUHAH SEMURUP

Disusun oleh : SAFWANDI, S.AP, DPT

GELAR : IJUNG PUTIH TUO

PARNO NGAPAK TANDO

BISMILLAHIRAHMANIRAHIM

ASSALAMU’ALAIKUM WR.WB...

SEIRING BALAM DINGAN MUREBAH

BALAM LALU MUREBAH MANDI

SEIRING SALAM DINGAN SEMBAH

SEMBAH LALU SALAM KEMBALI

SEMBAH KAMI TUJUKAN KEPADO KAYO SELAKU DEPATI

NINIK MAMAK PEMANGKU ADAT.

SALAM KAMI SAMPAIKAN KEPADO KAYO STAFF NEGERI

DALAM PARIT YANG BERSUDUT EMPAT.

KINI NAN KURIK KENDI NAN MERAH SAGO

NAN BAIK BUDI NAN INDAH BASO

PUTIH KAPEH DAPAT DIKIMAK

PUTIH HATI  BERKENYATAAN.

PEPAT DIPEPAT BATANG KEDUDUK

SERUMPUN DINGAN BATANG UBI

CIMPAKO DI LUAR KOTO

SADU SIRAPET KITO DINGE DUDUK

SADU DILINGKUNG ISI UMAH INI

ALU KE NINIK MAMAK KAMI NUMBUK KATO

BEGINI NINIK MAMAK..!

KARENO KITO MUNGINGAT NEGERI YANG BUPAGA ADAT

TAPIAN BUPAGA BASO, PADANG BUPAGA MALU

TEBING BUDINGKEK DINGE UNDANG-UNDANG.

KARNO PEPATAH ADAT JUGO NGATO :

LUBUK IDAK KAKUHONG IKAN

ANTAU IDAK KAKUHONG TAMBUN

NEGERI IDAK KAKUHONG ADAT

GAYUNG IDAK KAKUHONG SAMBUT.

BEGINI NINIK MAMAK..

DALAM AYI  UHANG SUNGAI LANDAI

PASANG MUNYENAK DARI MUARO

NYENAKNYO SAMPAI KE HULU

BUKAN PULO KAMI NGACAK CEDIK DINGAN PANDAI

KITO MUNUHUT PEPATAH PETITIH UHANG TUO DULU.

UHANG MUNGUKIR DI BANGKA ULU

TARIK SI BENANG DI PAKAIAN

SUDAH DI UKIR SEJAK DAHULU

TINGGEN  MUNGIKUT KITO KEMUDIAN.

BEGINI NINIK MAMAK..

KINI KITO KETENGAHKAN JUGO USUL DENGAN ASAL

SEBAB DINGAN KURENO

KALU IDAK KITO KETENGAHKAN USUL DENGAN ASAL

SAMU DINGAN AYI DALAM SAYAK

IDAK CENTU ULU DINGAN MUARU

IDAK CENTU PULO UJUNG DINGAN PANGKEN.

KINI KITO NAK MUNCARI UJUNG DINGAN PANGKEN

TERBIT AYI DARI ULU

TERBIT GETAH DARI BATANG

ANGIN NAN BARAPOHON

KATO NAK BARAMULAI

TERBIT KATO DARI CUPAK GANTANG KITO PADO MALAM INI

MANO PULO MAKSUD CUPAK GANTANG KITO PADO MALAM INI

TAU-TAU PATI PENGHULU ANAK JANTAN TAGANAI UMAH

MANOPULO BAGI KITO BILONG TAGANAI

BIA KANTI MUNGALI TEBAT

KITO MUNGALI UBI JUGO

BIA DIBATEH HUJAN LEBAT

KITO MUNEPAT JANJI JUGO

MANO PULO JANJI NAK KITO DPET PADO MALAM INI

MELAINKAN IDAK JANJI ANAK INI BUDUO ( ANTARA SI A DAN SI B )

KALU JANJI KITO TPET

IKRAR DI HUNI

BUET DITUNGGU

PADO MALAM INI PUMEN, YO KITO NAK MUNEPATI JANJI

MANOPULO JANJI ANTARO ANAK INI BUDUO

MELAINKAN IDAK YO MULETAK TANDO BUSURUNG MEH

MANOPULO BAGI KAMI, BUKANNYO TUAH BAE...

YO PUNAPET NIAN BAGI KAMI

NAPET PISANG MASAK DIBATANG

NAPET ARO MASAK SETANGKAI

NAPET SKO DINGE KITO PAKAI

MANOPULO ANTARO ANAK INI BUDUO

TUAH ANAK SIPEREMPUAN ADO UHANG BATUIK BATANYO

TUAH ANAK SILAKI-LAKI YO KATO DITERIMO

PEPATAH ADAT JUGO NGATO :

TANDO UHANG PURIMBO ADO RINTEH DINGE TERENTANG

TANDO UHANG BUKAYU ADO LEPANG DINGE BUTAKUK

TANDO UHANG BUPINANG ADO TANDO DINGAN TELETAK

SEBAGAI TANDO DARI KAMI

PUTIH KAPEH DAPAT DIKIMAK

PUTIH HATI BERKENYATAAN

SEBAGAI KENYATAAN DARI KAMI

INILAH NYO, TERIMOLAH DARI KAMI NINIK MAMAMAK

JAWABAN PARNO MULETAK TANDO

LAH SAMPAI ITU NINIK MAMAK

ASSALAMUALAIKUM WR,WB...

MUNYALO KULUBUK PAKU

DAPAT SEMAH TIGO DINGE LIMO

PUNUMBUK KATO IYO ALU KE AKU

TAPI DINGE NENGA  PULO  KITO BUSAMO

KINI KARNO KITO MUNGINGAT PISANG ITU BUBUAH

JAGUNG ITU BURAMBUT

GULO ITU MURUAP

ANDAI ITU BUTINGKAH

GAYUNG ITU BUSAMBUT

KATO ITU BUJAWAB

KALU IDAK DAPAT TANAH DIPINGKAH

MANOPULO DAPAT TANAH  DIPANGKU

KALU IDAK DAPAT KATO DITINGKAH

MANO PULO KITO DAPAT KATO SELUKU

INI KITO JAWAB JUGO KATO KAYO ITU

MENURUT SEPANJANG ADAT ICO PAKAI KITO

SEJAK  DULU SAMPAI SEKARANG

YO LAH KAMI DENGA PULO DARI AWAL SAMPAI AKHIR

DARI MULO SAMPAI KESUDAHAN

YO PUMEN, KAYO BUJALAN LAH MUNUJU LUHUH

BUKATO LAH MUNUJU BENA

NEBANG KAYO LAH MUNUJU BANGKA

MULANTING LAH MUNUJU TAMPUK

MUNIMBAK LAH MUNUJU PULO  ALAMAT

BEGINI NINIK MAMAK

AGI ARANG AGI BUTEMPO.

AGI SULUH AGI BUJALAN

ILUKNYO JALAN KARNO KITO TEMPUH

ILUKNYO PADI KARNO DISIANG

ILUKNYO KATO KARNO DIULANG

SEBAGAI PUNGULONG KATO DARI KAYO

KAYO MULETAKKAN TANDO BUPINANG

SEBELUM KAMI MENERIMO

PEPATAH ADAT JUGO NGATO :

NAK DITULAK BUKANNYO RAKIT

NAK DI KABI BUKANNYO PERAHU

KARNO LAH MUNJADI ICO PAKAI ADAT KITO

SEJAK DULU SAMPAI SEKARANG

MININ, YO KAMI TERIMO TANDO DARI KAYO ITU.

PEPATAH ADAT JUGO NGATO :

KALU MAYAN NENTUKAN BUKU

KALU ULA NENTUKAN BELANG

KALU BANYAK NENTUKAN HITUNG

KALU DIKIT NENTUKAN BILANG ( DIBILANG/HITUNG)

INILAH PUMEN TANDO DARI KAYO ITU, YO KAMI TERIMO.

DALAM PADO ITU, INI KAMI NAK BUTUIK KEPADO NINIK MAMAK

IDAK ADO BUET DINGE JANJI ANTARO ANAK INI BUDUO

KALU ADO KATOKAN ADO

KALU IDAK KATOKAN IDAK

JANGAN NANTI API PEJAH PUNTUNG BERASAP

DAN DALAOM PADO ITU PULO ANTARO ANAK INI LAH SUDAH MUNGIKAT JANJI

MULETAKKAN TANDO, SEPAROH DARI IJAB KABUL

IDAK BISA NAK SAKATU KITO BAE, ILE LPEH MUDIK TALAMPAU

DALOM PADO ITU NINIK MAMAK

ILUK JUGO KITO MAKI CIMUHU SKO

SEANDAI ULAK DARI DINGE JANTAN

YO LUNCUNG CIHI, BAYI TUDUH MALU

SEANDAINYO ULAK DARI SIPEREMPAUAN

GANDO CIHI, BAYI TUDUH MALU

PISANG ELANG DITENGAH PADANG BUAHNYO SIKEK DUO SIKEK

KALU KITO BENTANG MBUH BAE NYU PANJANG

MININ KITO KUMPAN MAK NYO SINGKEK

SURIAN DITENGAH PADANG AKANYO SUSUN BASUSUN

KEMENYAN LAH TEPANGGANG, HIDANGAN LAH TERAJUN

DO’A BERKAT DOA SELAMAT KITO SERAHKAN PULO KEPADO ALIM ULAMO SEBAGAI SULUH YANG AMAT TERANG AYI YANG AMAT JERNIH

BATEH INILAH PUMEN SAMBUTAN DARI KAMI

PARNO NGENJUK TAU

BISMILLAHIRAHMANIRAHIM

ASSALAMU’ALAIKUM WR.WB...

SEIRING BALAM DINGAN MUREBAH

BALAM LALU MUREBAH MANDI

SEIRING SALAM DINGAN SEMBAH

SEMBAH LALU SALAM KEMBALI

SEMBAH KAMI TUJUKAN KEPADO KAYO SELAKU DEPATI

NINIK MAMAK PEMANGKU ADAT.

SALAM KAMI SAMPAIKAN KEPADO KAYO STAFF NEGERI

DALAM PARIT YANG BERSUDUT EMPAT.

KINI NAN KURIK KENDI NAN MERAH SAGO

NAN BAIK BUDI NAN INDAH BASO

PUTIH KAPEH DAPAT DIKIMAK

PUTIH HATI  BERKENYATAAN.

PEPAT DIPEPAT BATANG KEDUDUK

SERUMPUN DINGAN BATANG UBI

CIMPAKO DI LUAR KOTO

SADU SIRAPET KITO DINGE DUDUK

SADU DILINGKUNG ISI UMAH INI

ALU KE NINIK MAMAK KAMI NUMBUK KATO

BEGINI NINIK MAMAK..!

KARENO KITO MUNGINGAT NEGERI YANG BUPAGA ADAT

TAPIAN BUPAGA BASO, PADANG BUPAGA MALU

TEBING BUDINGKEK DINGE UNDANG-UNDANG.

KARNO PEPATAH ADAT JUGO NGATO :

LUBUK IDAK KAKUHONG IKAN

ANTAU IDAK KAKUHONG TAMBUN

NEGERI IDAK KAKUHONG ADAT

GAYUNG IDAK KAKUHONG SAMBUT.

BEGINI NINIK MAMAK..

DALAM AYI  UHANG SUNGAI LANDAI,

PASANG MUNYENAK DARI MUARO,

NYENAKNYO SAMPAI KE HULU,

BUKAN PULO KAMI NGACAK CEDIK DINGAN PANDAI,

KITO MUNUHUT PEPATAH PETITIH UHANG TUO DULU.

UHANG MUNGUKIR DI BANGKA ULU,

TARIK SI BENANG DI PAKAIAN,

SUDAH DIUKIR SEJAK DAHULU,

TINGGEN  MUNGIKUT KITO KEMUDIAN.

BEGINI NINIK MAMAK..

KINI KITO KETENGAHKAN JUGO USUL DENGAN ASAL,

SEBAB DINGAN KURENO.

KALU IDAK KITO KETENGAHKAN USUL DENGAN ASAL,

SAMU DINGAN AYI DALAM SAYAK,

IDAK CENTU ULU DINGAN MUARU,

IDAK CENTU PULO UJUNG DINGAN PANGKEN.

KINI KITO NAK MUNCARI UJUNG DINGAN PANGKEN

TERBIT AYI DARI ULU, TERBIT GETAH DARI BATANG,

ANGIN NAN BARAPOHON, KATO NAK BARAMULAI,

YO TERBIT KATO DARI CUPAK GANTANG KITO PADO MALAM INI

( SEBUTKAN NAMA SPANGKALAN )

MANO PULO MAKSUD CUPAK GANTANG KITO PADO MALAM INI,

TAU-TAU PATI PENGHULU ANAK JANTAN TAGANAI UMAH

UHANG BUTAUH DI UJUNG TANJUNG

UHANG MULANCA DI AYI MULEK

RAJO JAUH LAH DI PANGGIN UNTUNG

RAJO PARAK LAH DIPANGGIN SIRIH

RAJO DEKAT LAH DIPANGGIN KATO

BEGINI NINIK MAMAK..

KARENO KITO MUNGINGAT ALAM BARAJO,

LUAK BAPENGHULU,

KAMPUNG BATUO,

RUMAH BATAGANAI,

SINGAJO PULO CUPAK GANTANG KITO MERUNGGUHKAN KAYO STAFF NEGERI, 

KAUM ADAT KUNCI NEGERI. ALIM ULAMA SULUH YANG AMAT TERANG, AYI YANG AMAT JERNIH

KETUA BPD SERTO ANGGOTA, LAH DIHADIRI PULO DEK KEPALA DESA,

YO GALU-GALU PULO KITO PADO MALAM INI, IDAK BUSISI IDAK BUHINGGO,

MUNANDOKAN KITO SEMUPAKAT.

ILI KITO LAH SERENTAK SETANG,

MUDIK SERENGKUH DAYUNG,

TERBANG BAKAWAN,

HINGGAP BAPULUN.

SEDENTING KITO BAK BESI,

SECIOK BAK AYAM,

SERUMPUN BAKNYO  SERAI.

DIH MULAYU JUGO NGATO..

RAMO-RAMO SI KUMBANG JATI,

KHATIB INDAH PULONG BAKUDO,

PATAH TUMBUH HILANG BAGANTI,

NAMUN ADAT, ADAT DAN PASKO,

TETAP KITO PAKAI BAGAIMANO SAMULO.

KINI PUMEN NINIK MAMAK...

LAH NYATO DI AREH TERANG DI ALAM,

CUPAK GANTANG KITO INI NAK MEMBERI TAU KUPADO KAYO KAUM ADAT STAFF NEGERI.

PEPATAH ADAT JUGO NGATO..

SI GEDONG-GEDONG KEJO, BAPULONG TAU.

PERTENGAHAN KEJO, NJUK TAU.

KECIK KEJO, SETAU.

INI PUMEN, CUPAK GANTANG KITO  ( SEBUTKAN NAMA SPANGKALAN )NAK NJUK TAU,

NYO NAK MERESMIKAN PERNIKAHAN

KATIKO NYO BAIK HARI NYO JAYO  ITU HARI JUMAT.

MANO PULO PINTAK PINTO KAMI KUPADO KAYO-KAYO YANG LAH HADIR PADO MALAM INI,

DAN KALAU ADO PULO KANTI-KANTI KAYO YANG IDAK SEMPAT HADIR PADO MALAM INI,

TULUNG KAYO KATO MUNGATO, SAMPAI MUNYAMPAI,

JANGAN PULO KAYO IDAK HADIR PADO HARI ITU.

KARENO KAYO KAUM ADAT KUNCI NEGERI,

DINGE NGENAUN JENGKUN DINGE PAKU,

IRING DINGE GINDENG, NGE NGINGAT KA PAGI, NGNANO KA PETANG.

BEGINI NINIK MAMAK,

PISANG ELANG DITENGAH PADANG

NYO BABUAH SIKEK DUO SIKEK

KALU KITO BENTANG MBUH BAE NYU PANJANG

KINI KITO KUMPAN BAE MAK NYO SINGKEK

SEBAGAI PUNYEMPUT KATO DINGAN TINGGAN,

PUNAMBAH KATO DINGE ADO,

KAMI SERAHKAN PULO KEPADO KAYO NINIK MAMAK,

BATEH INI PUMEN PENYAMPAIAN DARI KAMI NINIK MAMAK.

SEBAGAI MEH PANUO KATO

SUPAYO ADAT IDAK KUPAK

LEMBAGO JANGANNYO SUMBING

KAYO TERIMO..

JAWABAN PARNO

LAH SAMPAI ITU NINIK MAMAK...?!

ASSALAMUALAIKUM WR,WB...

MUNYALO KULUBUK PAKU

DAPAT SEMAH TIGO DINGE LIMO

PUNUMBUK KATO IYO ALU KE AKU

TAPI DINGE NENGA  PULO  KITO BUSAMO

KINI KARNO KITO MUNGINGAT PISANG ITU BUBUAH

JAGUNG ITU BURAMBUT

GULO ITU MURUAP

ANDAI ITU BUTINGKAH

GAYUNG ITU BUSAMBUT

KATO ITU BUJAWAB

KALU IDAK DAPAT TANAH DIPINGKAH

MANOPULO DAPAT TANAH  DIPANGKU

KALU IDAK DAPAT KATO DITINGKAH

MANO PULO KITO DAPAT KATO SELUKU

INI KITO JAWAB JUGO KATO KAYO ITU

MENURUT SEPANJANG ADAT ICO PAKAI KITO

SEJAK  DULU SAMPAI SEKARANG

YO LAH KAMI DENGA PULO DARI AWAL SAMPAI AKHIR

DARI MULO SAMPAI KESUDAHAN

YO PUMEN, KAYO BUJALAN LAH MUNUJU LUHUH

BUKATO LAH MUNUJU BENA

NEBANG KAYO LAH MUNUJU BANGKA

MULANTING LAH MUNUJU TAMPUK

KAYO MUNIMBAK LAH MUNUJU PULO  ALAMAT

KAYU SEJARAK DI SUMATRA

TUMBUH DILAWANG PARAMATU ALLAH

NYO BAPUCUK KA UNDANG-UNDANG

NYO BABATANG, BATANG PASKO

NYO BAUREK LAMBAGO JATI

RAK LEMBAGO DI BUMI APO KATONYO ?!

UNDANG-UNDANG BARAPUCUK BULAT

NYO BUDAHAN KATALITI

NYO BARANTING KA SEMAT DUO PULUH

NYO BUDAUN KUTUBAH DAKWA

ADOPUN DAKWA SALILIT ALAM

ADOPUN JAWAB SADINDIN ALAM

KUDATEH TUNJUK KAYO TADI

KAYO MUNGENTIK KATO YANG BAUNDANG

KAYO ILO KAKIRI, KAYO NGIRAI KATO TALITI

TABILOK KAKANAN, TABILOK MUNJADI UKIR

MAJU KAMUKO, TARENTANG MUNJADI BARIH

KAYO TEGAK DALAM YANG BAUNDANG

KAYO MAHAT DALAM YANG BASIFAT

ADO DIH NABI MUNGATOKAN

AL-FIKRU SIRAJJUL QOLBI

BARAMULO ULU PIKI ITU PELITO HATI

ULU TENANG ADIL BICARO

GEDONG HATI LAUT ILMU

GEDONG AKAL LAUT PIKI

LUBUK ADAT PENDOM PASKO

LUBUK  BUDI TAPIAN BASO

LUBUK MEH PASUSUNAN KAWAN

BARU NYO BENA MENURUT ADAT

BARU NYO SAH MENURUT SERAK

BARU NYO BETUL MENURUT ICO PAKAI KITO

SEJAK DULU SAMPAI SEKARANG

IDAKNYO LAPUK KARNO HUJAN

IDAK LEKANG KARNO PANEH

DINGE DIASAK IDAK MATI

DINGEN DIANGGUNG IDAK LAYU

DINGE TIBENGKAH DARI BUMI

DINGE TACUREK DARI LANGIT

BEKU DIDALOM KARANG SETIYO!

BEGINI NINIK MAMAK,

SURIAN DITENGAH PADANG

AKANYO SUSUN BASUSUN

API KEMENYAN LAH TAPANGGANG

HIDANGAN LAH TARAJUN

DOA BERKAT DOA SELAMAT

KITO SERAHKAN PADO ALIM ULAMA..

PARNO HARI H ( PERSEMIAN PERNIKAHAN )

BISMILLAHIRAHMANIRAHIM

ASSALAMU’ALAIKUM WR.WB...

SEIRING BALAM DINGAN MUREBAH,

BALAM LALU MUREBAH MANDI,

SEIRING SALAM DINGAN SEMBAH,

SEMBAH LALU SALAM KEMBALI,

SEMBAH KAMI TUJUKAN KEPADO KAYO SELAKU DEPATI,

NINIK MAMAK, PEMANGKU ADAT,

SALAM KAMI SAMPAIKAN KEPADO KAYO STAFF NEGERI

DALAM PARIT YANG BERSUDUT EMPAT.

KINI NAN KURIK KENDI, NAN MERAH SAGO,

NAN BAIK BUDI, NAN INDAH BASO.

PUTIH KAPEH DAPAT DIKIMAK,

PUTIH HATI  BERKENYATAAN.

PEPAT DI PEPAT BATANG KEDUDUK,

SERUMPUN DENGAN BATANG UBI,

CIMPAKO DI LUAR KOTO,

SADU SIRAPET KITO DINGE DUDUK,

SADU DI LINGKUNG ISI UMAH INI,

ALU KE NINIK MAMAK PUNUMBUK KATO

BEGINI NINIK MAMAK..!

KARENO KITO MUNGINGAT NEGERI YANG BUPAGA ADAT,

TAPIAN BUPAGA BASO, PADANG BUPAGA MALU,

TEBING BUDINGKEK DINGE UNDANG-UNDANG.

KARNO PEPATAH ADAT JUGO NGATO,

LUBUK IDAK KAKUHONG IKAN,

ANTAU IDAK KAKUHONG TAMBUN,

NEGERI IDAK KAKUHONG ADAT,

GAYUNG IDAK KAKUHONG SAMBUT .

BEGINI NINIK MAMAK..

DALAM AYI  UHANG SUNGAI LANDAI,

PASANG MUNYENAK DARI MUARO,

NYENAKNYO SAMPAI KE HULU,

BUKAN PULO KAMI NGACAK CEDIK DINGAN PANDAI,

KITO MUNUHUT PEPATAH PETITIH UHANG TUO DULU.

UHANG MUNGUKIR DI BANGKA ULU,

TARIK SI BENANG DI PAKAIAN,

SUDAH DI UKIR SEJAK DAHULU,

TINGGEN  MUNGIKUT KITO KEMUDIAN.

BEGINI NINIK MAMAK..

KINI KITO KETENGAHKAN JUGO USUL DENGAN ASAL,

SEBAB DINGAN KURENO.

KALU IDAK KITO KETENGAHKAN USUL DENGAN ASAL,

SAMU DINGAN AYI DALAM SAYAK,

IDAK CENTU ULU DINGAN MUARU,

IDAK CENTU PULO UJUNG DINGAN PANGKEN.

KINI KITO NAK MUNCARI UJUNG DINGAN PANGKEN

TERBIT AYI DARI ULU,

TERBIT GETAH DARI BATANG,

ANGIN NAN BARAPOHON,

KATO NAK BARAMULAI,

YO TERBIT KATO DARI CUPAK GANTANG KITO

 PADO HARI INI

MANO PULO MAKSUD CUPAK GANTANG KITO PADO HARI INI,

YO PUMEN, LAH DAPAT PULO  SUSUN DINGEN TINDIH,

TOP DINGE ANGGIT, KATO DINGE SALUKU,

LAH BULEK AYI DI PEMULUH,

LAH GETU KATO DIMUFAKAT,

KATO TISERAH PADO URANG SURANG.

BEGINI NINIK MAMAK..

KARENO KITO MUNGINGAT ALAM BARAJO,

LUAK BAPENGHULU,

KAMPUNG BATUO,

RUMAH BATAGANAI,

SINGAJO PULO CUPAK GANTANG KITO MERUNGGUHKAN KAYO STAFF NEGERI,

KAUM ADAT KUNCI NEGERI. ALIM ULAMA SULUH YANG AMAT TERANG, AYI YANG AMAT JERNIH

KETUA BPD BESERTO ANGGOTA, LAH DIHADIRI PULO DEK KEPALA DESA,

GALU-GALU PULO KITO PADO HARI INI, IDAK BUSISI IDAK BUHINGGO,

MUNANDOKAN KITO SEMUPAKAT.

KINI PUMEN, SIRIH LAH BALIK KE GAGONG,

PINANG LAH SURUT KE TAMPUK,

DINGE BULAT LAH DAPAT KITO GILING,

PIPIH LAH DAPAT PULO KITO LAYANG,

ILI KITO LAH SERENTAK SETANG,

MUDIK LAH SERENGKUH DAYUNG,

TERBANG LAH BAKAWAN,

HINGGAP LAH BAPULUN.

SEDENTING KITO BAK BESI,

SECIOK BAK AYAM,

SERUMPUN BAKNYO  SERAI.

DIH MULAYU JUGO NGATO..

RAMO-RAMO  SI KUMBANG JATI,

KHATIB INDAH PULONG BAKUDO,

PATAH TUMBUH HILANG BAGANTI,

NAMUN ADA ADAT DAN PASKO,

TETAP KITO PAKAI BAGAIMANO SAMULO.

                       

KINI PUMEN NINIK MAMAK...

LAH NYATO DI AREH TERANG DI ALAM,

PADO HARI INI KITO BUSULUH DINGE MATOHARI

BUGULANGGANG PADO MATO UHANG BANYAK

PADO HARI INI NYO ( KEDUA MEMPELAI ) KITO INI

NAK MERESMIKAN PERNIKAHAN

MANO PULO PINTAK PINTO KITO YANG HADIR PADO HARI INI KEPADO KEDUO MEMPELAI

YO SUPAYO SAMPAI  BUHUK BINGKAI DI PENYALIN, SUPAYO NYO DAPAT RUMAH TANGGO YANG SAKINAH MAWADAH WARAHMAH HENDAKNYO

SEBAGAI PUNYEMPUT KATO DINGAN TINGGAN,

PUNAMBAH KATO DINGE ADO,

KAMI SERAHKAN PULO KEPADO KAYO NINIK MAMAK,

BATEH INI PUMEN PENYAMPAIAN DARI KAMI NINIK MAMAK

JAWABAN PARNO

LAH SAMPAI ITU NINIK MAMAK...?!

ASSALAMUALAIKUM WR,WB...

MUNYALO KULUBUK PAKU

DAPAT SEMAH TIGO DINGE LIMO

PUNUMBUK KATO IYO ALU KE AKU

TAPI DINGE NENGA  PULO  KITO BUSAMO

KINI KARNO KITO MUNGINGAT PISANG ITU BUBUAH

JAGUNG ITU BURAMBUT

GULO ITU MURUAP

ANDAI ITU BUTINGKAH

GAYUNG ITU BUSAMBUT

KATO ITU BUJAWAB

KALU IDAK DAPAT TANAH DIPINGKAH

MANOPULO DAPAT TANAH  DIPANGKU

KALU IDAK DAPAT KATO DITINGKAH

MANO PULO KITO DAPAT KATO SELUKU

INI KITO JAWAB JUGO KATO KAYO ITU

MENURUT SEPANJANG ADAT ICO PAKAI KITO

SEJAK  DULU SAMPAI SEKARANG

YO LAH KAMI DENGA PULO DARI AWAL SAMPAI AKHIR

DARI MULO SAMPAI KESUDAHAN

YO PUMEN, KAYO BUJALAN LAH MUNUJU LUHUH

BUKATO LAH MUNUJU BENA

NEBANG KAYO LAH MUNUJU BANGKA

MULANTING LAH MUNUJU TAMPUK

KAYO MUNIMBAK LAH MUNUJU PULO  ALAMAT

KAYU SEJARAK DI SUMATRA

TUMBUH DILAWANG PARAMATU ALLAH

NYO BAPUCUK KA UNDANG-UNDANG

NYO BABATANG, BATANG PASKO

NYO BAUREK LAMBAGO JATI

RAK LEMBAGO DI BUMI APO KATONYO ?!

UNDANG-UNDANG BARAPUCUK BULAT

NYO BUDAHAN KATALITI

NYO BARANTING KA SEMAT DUO PULUH

NYO BUDAUN KUTUBAH DAKWA

ADOPUN DAKWA SALILIT ALAM

ADOPUN JAWAB SADINDIN ALAM

KUDATEH TUNJUK KAYO TADI

KAYO MUNGENTIK KATO YANG BAUNDANG

KAYO ILO KAKIRI, KAYO NGIRAI KATO TALITI

TABILOK KAKANAN, TABILOK MUNJADI UKIR

MAJU KAMUKO, TARENTANG MUNJADI BARIH

KAYO TEGAK DALAM YANG BAUNDANG

KAYO MAHAT DALAM YANG BASIFAT

ADO DIH NABI MUNGATOKAN

AL-FIKRU SIRAJJUL QOLBI

BARAMULO ULU PIKI ITU PELITO HATI

ULU TENANG ADIL BICARO

GEDONG HATI LAUT ILMU

GEDONG AKAL LAUT PIKI

LUBUK ADAT PENDOM PASKO

LUBUK  BUDI TAPIAN BASO

LUBUK MEH PASUSUNAN KAWAN

BARU NYO BENA MENURUT ADAT

BARU NYO SAH MENURUT SERAK

BARU NYO BETUL MENURUT ICO PAKAI KITO

SEJAK DULU SAMPAI SEKARANG

IDAKNYO LAPUK KARNO HUJAN

IDAK LEKANG KARNO PANEH

DINGE DIASAK IDAK MATI

DINGEN DIANGGUNG IDAK LAYU

DINGE TIBENGKAH DARI BUMI

DINGE TACUREK DARI LANGIT

BEKU DIDALOM KARANG SETIYO!

BEGINI NINIK MAMAK,

SURIAN DITENGAH PADANG

AKANYO SUSUN BASUSUN

API KEMENYAN LAH TAPANGGANG

HIDANGAN LAH TARAJUN

DOA BERKAT DOA SELAMAT

KITO SERAHKAN PADO ALIM ULAMA..

PARNO ARAH AJUN ( PONDASI )

BISMILLAHIRAHMANIRAHIM

ASSALAMU’ALAIKUM WR.WB...

SEIRING BALAM DINGAN MUREBAH,

BALAM LALU MUREBAH MANDI,

SEIRING SALAM DINGAN SEMBAH,

SEMBAH LALU SALAM KEMBALI,

SEMBAH KAMI TUJUKAN KEPADO KAYO SELAKU DEPATI,

NINIK MAMAK, PEMANGKU ADAT,

SALAM KAMI SAMPAIKAN KEPADO KAYO STAFF NEGERI

DALAM PARIT YANG BERSUDUT EMPAT.

KINI NAN KURIK KENDI, NAN MERAH SAGO,

NAN BAIK BUDI, NAN INDAH BASO.

PUTIH KAPEH DAPAT DIKIMAK,

PUTIH HATI  BERKENYATAAN.

PEPAT DI PEPAT BATANG KEDUDUK,

SERUMPUN DENGAN BATANG UBI,

CIMPAKO DI LUAR KOTO,

SADU SIRAPET KITO DINGE DUDUK,

SADU DI LINGKUNG ISI UMAH INI,

ALU KE NINIK MAMAK PUNUMBUK KATO

BEGINI NINIK MAMAK..!

KARENO KITO MUNGINGAT NEGERI YANG BUPAGA ADAT,

TAPIAN BUPAGA BASO, PADANG BUPAGA MALU,

TEBING BUDINGKEK DINGE UNDANG-UNDANG.

KARNO PEPATAH ADAT JUGO NGATO,

LUBUK IDAK KAKUHONG IKAN,

ANTAU IDAK KAKUHONG TAMBUN,

NEGERI IDAK KAKUHONG ADAT,

GAYUNG IDAK KAKUHONG SAMBUT .

BEGINI NINIK MAMAK..

DALAM AYI  UHANG SUNGAI LANDAI,

PASANG MUNYENAK DARI MUARO,

NYENAKNYO SAMPAI KE HULU,

BUKAN PULO KAMI NGACAK CEDIK DINGAN PANDAI,

KITO MUNUHUT PEPATAH PETITIH UHANG TUO DULU.

UHANG MUNGUKIR DI BANGKA ULU,

TARIK SI BENANG DI PAKAIAN,

SUDAH DI UKIR SEJAK DAHULU,

TINGGEN  MUNGIKUT KITO KEMUDIAN.

BEGINI NINIK MAMAK..

KINI KITO KETENGAHKAN JUGO USUL DENGAN ASAL,

SEBAB DINGAN KURENO.

KALU IDAK KITO KETENGAHKAN USUL DENGAN ASAL,

SAMU DINGAN AYI DALAM SAYAK,

IDAK CENTU ULU DINGAN MUARU,

IDAK CENTU PULO UJUNG DINGAN PANGKEN.

KINI KITO NAK MUNCARI UJUNG DINGAN PANGKEN

TERBIT AYI DARI ULU,

TERBIT GETAH DARI BATANG,

ANGIN NAN BARAPOHON,

KATO NAK BARAMULAI,

YO TERBIT KATO DARI CUPAK GANTANG KITO

PADO MALAM INI

MANO PULO MAKSUD CUPAK GANTANG KITO PADO MALAM INI,

TAU-TAU PATI PENGHULU ANAK JANTAN TAGANAI UMAH

UHANG BUTAUH DI UJUNG TANJUNG

UHANG MULANCA DI AYI MULEK

RAJO JAUH LAH DI PANGGIN UNTUNG

RAJO PARAK LAH DIPANGGIN SIRIH

RAJO DEKAT LAH DIPANGGIN KATO

BEGINI NINIK MAMAK..

KARENO KITO MUNGINGAT ALAM BARAJO,

LUHAK BAPENGHULU,

KAMPUNG BATUO,

RUMAH BATAGANAI,

SINGAJO PULO CUPAK GANTANG KAMI ( SEBUTKAN NAMA SPANGKALAN ) MERUNGGUHKAN KAYO STAFF NEGERI,

KAUM ADAT KUNCI NEGERI.

ALIM ULAMA SULUH YANG AMAT TERANG, AYI YANG AMAT JERNIH

KETUA BPD SERTO ANGGOTA,

LAH DIHADIRI PULO DEK KEPALA DESA,

YO GALU-GALU PULO KITO PADO MALAM INI,

IDAK BUSISI IDAK BUHINGGO,

MUNANDOKAN KITO SEMUPAKAT.

ILI KITO LAH SERENTAK SETANG,

MUDIK LAH SERENGKUH DAYUNG,

TERBANG LAH BAKAWAN,

HINGGAP LAH BAPULUN.

SEDENTING KITO BAK BESI,

SECIOK BAK AYAM,

SERUMPUN BAKNYO  SERAI.

DIH MULAYU JUGO NGATO..

RAMO-RAMO SI KUMBANG JATI,

KHATIB INDAH PULONG BAKUDO,

PATAH TUMBUH HILANG BAGANTI,

NAMUN ADAT, ADAT DAN PASKO,

TETAP KITO PAKAI BAGAIMANO SAMULO.

KINI PUMEN NINIK MAMAK...

LAH NYATO DI AREH TERANG DI ALAM,

CUPAK GANTANG KITO INI NAK MEMBERI TAU KUPADO KAYO KAUM ADAT STAFF NEGERI.

PEPATAH ADAT JUGO NGATO..

SI GEDONG-GEDONG KEJO, BAPULONG TAU.

PERTENGAHAN KEJO, NJUK TAU.

KECIK KEJO, SETAU.

INI PUMEN, CUPAK GANTANG KITO  NAK NJUK TAU KUPADO KAYO STAFF NEGERI.

NYO NAK MNA PONDASI

HARINYO ITU HARI MINGGU.

MANO PULO PINTAK PINTO KAMI KUPADO KAYO-KAYO YANG LAH HADIR PADO MALAM INI,

DAN KALAU ADO PULO KANTI-KANTI KAYO YANG IDAK SEMPAT HADIR PADO MALAM INI,

TULUNG KAYO KATO MUNGATO, SAMPAI MUNYAMPAI,

JANGAN PULO KAYO IDAK HADIR PADO HARI ITU.

KARNO KAYO KAUM ADAT KUNCI NEGERI

YANG MEGANG LANTAK SEKALI TUKUN

TALI SEKALI ENTANG

KAMI MINTAK DIARAH MINTAK DI AJUN

MINTAK DI ILO, MINTAK DI BENTANG PADO HARI ITU

KALU BAH MINTAK DI BANGKIT

KALU CUNDUNG MINTAK DI TUNGKAT

SEBAGAI PUNYEMPUT KATO DINGAN TINGGAN,

PUNAMBAH KATO DINGE ADO,

KAMI SERAHKAN PULO KEADO KAYO NINIK MAMAK,

BATEH INI PUMEN PENYAMPAIAN DARI KAMI NINIK MAMAK

JAWABAN PARNO

LAH SAMPAI ITU NINIK MAMAK...?!

ASSALAMUALAIKUM WR,WB...

MUNYALO KULUBUK PAKU

DAPAT SEMAH TIGO DINGE LIMO

PUNUMBUK KATO IYO ALU KE AKU

TAPI DINGE NENGA  PULO  KITO BUSAMO

KINI KARNO KITO MUNGINGAT PISANG ITU BUBUAH

JAGUNG ITU BURAMBUT

GULO ITU MURUAP

ANDAI ITU BUTINGKAH

GAYUNG ITU BUSAMBUT

KATO ITU BUJAWAB

KALU IDAK DAPAT TANAH DIPINGKAH

MANOPULO DAPAT TANAH  DIPANGKU

KALU IDAK DAPAT KATO DITINGKAH

MANO PULO KITO DAPAT KATO SELUKU

INI KITO JAWAB JUGO KATO KAYO ITU

MENURUT SEPANJANG ADAT ICO PAKAI KITO

SEJAK  DULU SAMPAI SEKARANG

YO LAH KAMI DENGA PULO DARI AWAL SAMPAI AKHIR

DARI MULO SAMPAI KESUDAHAN

YO PUMEN, KAYO BUJALAN LAH MUNUJU LUHUH

BUKATO LAH MUNUJU BENA

NEBANG KAYO LAH MUNUJU BANGKA

MULANTING LAH MUNUJU TAMPUK

KAYO MUNIMBAK LAH MUNUJU PULO  ALAMAT

KAYU SEJARAK DI SUMATRA

TUMBUH DILAWANG PARAMATU ALLAH

NYO BAPUCUK KA UNDANG-UNDANG

NYO BABATANG, BATANG PASKO

NYO BAUREK LAMBAGO JATI

RAK LEMBAGO DI BUMI APO KATONYO ?!

UNDANG-UNDANG BARAPUCUK BULAT

NYO BUDAHAN KATALITI

NYO BARANTING KA SEMAT DUO PULUH

NYO BUDAUN KUTUBAH DAKWA

ADOPUN DAKWA SALILIT ALAM

ADOPUN JAWAB SADINDIN ALAM

KUDATEH TUNJUK KAYO TADI

KAYO MUNGENTIK KATO YANG BAUNDANG

KAYO ILO KAKIRI, KAYO NGIRAI KATO TALITI

TABILOK KAKANAN, TABILOK MUNJADI UKIR

MAJU KAMUKO, TARENTANG MUNJADI BARIH

KAYO TEGAK DALAM YANG BAUNDANG

KAYO MAHAT DALAM YANG BASIFAT

ADO DIH NABI MUNGATOKAN

AL-FIKRU SIRAJJUL QOLBI

BARAMULO ULU PIKI ITU PELITO HATI

ULU TENANG ADIL BICARO

GEDONG HATI LAUT ILMU

GEDONG AKAL LAUT PIKI

LUBUK ADAT PENDOM PASKO

LUBUK  BUDI TAPIAN BASO

LUBUK MEH PASUSUNAN KAWAN

BARU NYO BENA MENURUT ADAT

BARU NYO SAH MENURUT SERAK

BARU NYO BETUL MENURUT ICO PAKAI KITO

SEJAK DULU SAMPAI SEKARANG

IDAKNYO LAPUK KARNO HUJAN

IDAK LEKANG KARNO PANEH

DINGE DIASAK IDAK MATI

DINGEN DIANGGUNG IDAK LAYU

DINGE TIBENGKAH DARI BUMI

DINGE TACUREK DARI LANGIT

BEKU DIDALOM KARANG SETIYO!

BEGINI NINIK MAMAK,

SURIAN DITENGAH PADANG

AKANYO SUSUN BASUSUN

API KEMENYAN LAH TAPANGGANG

HIDANGAN LAH TARAJUN

DOA BERKAT DOA SELAMAT

KITO SERAHKAN PADO ALIM ULAMA..

PARNO TIMBO KE SUNGAI

BISMILLAHIRAHMANIRAHIM

ASSALAMU’ALAIKUM WR.WB...

SEIRING BALAM DINGAN MUREBAH

BALAM LALU MUREBAH MANDI

SEIRING SALAM DINGAN SEMBAH

SEMBAH LALU SALAM KEMBALI

SEMBAH KAMI TUJUKAN KEPADO KAYO SELAKU DEPATI

NINIK MAMAK PEMANGKU ADAT.

SALAM KAMI SAMPAIKAN KEPADO KAYO STAFF NEGERI

DALAM PARIT YANG BERSUDUT EMPAT.

KINI NAN KURIK KENDI NAN MERAH SAGO

NAN BAIK BUDI NAN INDAH BASO

PUTIH KAPEH DAPAT DIKIMAK

PUTIH HATI  BERKENYATAAN.

PEPAT DIPEPAT BATANG KEDUDUK

SERUMPUN DINGAN BATANG UBI

CIMPAKO DI LUAR KOTO

SADU SIRAPET KITO DINGE DUDUK

SADU DILINGKUNG ISI UMAH INI

ALU KE NINIK MAMAK KAMI NUMBUK KATO

BEGINI NINIK MAMAK..!

KARENO KITO MUNGINGAT NEGERI YANG BUPAGA ADAT

TAPIAN BUPAGA BASO, PADANG BUPAGA MALU

TEBING BUDINGKEK DINGE UNDANG-UNDANG.

KARNO PEPATAH ADAT JUGO NGATO :

LUBUK IDAK KAKUHONG IKAN

ANTAU IDAK KAKUHONG TAMBUN

NEGERI IDAK KAKUHONG ADAT

GAYUNG IDAK KAKUHONG SAMBUT.

BEGINI NINIK MAMAK..

DALAM AYI  UHANG SUNGAI LANDAI,

PASANG MUNYENAK DARI MUARO,

NYENAKNYO SAMPAI KE HULU,

BUKAN PULO KAMI NGACAK CEDIK DINGAN PANDAI,

KITO MUNUHUT PEPATAH PETITIH UHANG TUO DULU.

UHANG MUNGUKIR DI BANGKA ULU,

TARIK SI BENANG DI PAKAIAN,

SUDAH DIUKIR SEJAK DAHULU,

TINGGEN  MUNGIKUT KITO KEMUDIAN.

BEGINI NINIK MAMAK..

KINI KITO KETENGAHKAN JUGO USUL DENGAN ASAL,

SEBAB DINGAN KURENO.

KALU IDAK KITO KETENGAHKAN USUL DENGAN ASAL,

SAMU DINGAN AYI DALAM SAYAK,

IDAK CENTU ULU DINGAN MUARU,

IDAK CENTU PULO UJUNG DINGAN PANGKEN.

KINI KITO NAK MUNCARI UJUNG DINGAN PANGKEN

TERBIT AYI DARI ULU, TERBIT GETAH DARI BATANG,

ANGIN NAN BARAPOHON, KATO NAK BARAMULAI,

YO TERBIT KATO DARI CUPAK GANTANG KITO PADO MALAM INI

( SEBUTKAN NAMA SPANGKALAN )

MANO PULO MAKSUD CUPAK GANTANG KITO PADO MALAM INI,

TAU-TAU PATI PENGHULU ANAK JANTAN TAGANAI UMAH

UHANG BUTAUH DI UJUNG TANJUNG

UHANG MULANCA DI AYI MULEK

RAJO JAUH LAH DI PANGGIN UNTUNG

RAJO PARAK LAH DIPANGGIN SIRIH

RAJO DEKAT LAH DIPANGGIN KATO

BEGINI NINIK MAMAK..

KARENO KITO MUNGINGAT ALAM BARAJO,

LUAK BAPENGHULU,

KAMPUNG BATUO,

RUMAH BATAGANAI,

SINGAJO PULO CUPAK GANTANG KITO MERUNGGUHKAN KAYO STAFF NEGERI, 

KAUM ADAT KUNCI NEGERI. ALIM ULAMA SULUH YANG AMAT TERANG, AYI YANG AMAT JERNIH

KETUA BPD SERTO ANGGOTA, LAH DIHADIRI PULO DEK KEPALA DESA,

YO GALU-GALU PULO KITO PADO MALAM INI, IDAK BUSISI IDAK BUHINGGO,

MUNANDOKAN KITO SEMUPAKAT.

ILI KITO LAH SERENTAK SETANG,

MUDIK SERENGKUH DAYUNG,

TERBANG BAKAWAN,

HINGGAP BAPULUN.

SEDENTING KITO BAK BESI,

SECIOK BAK AYAM,

SERUMPUN BAKNYO  SERAI.

DIH MULAYU JUGO NGATO..

RAMO-RAMO SI KUMBANG JATI,

KHATIB INDAH PULONG BAKUDO,

PATAH TUMBUH HILANG BAGANTI,

NAMUN ADAT, ADAT DAN PASKO,

TETAP KITO PAKAI BAGAIMANO SAMULO.

KINI PUMEN NINIK MAMAK...

LAH NYATO DI AREH TERANG DI ALAM,

CUPAK GANTANG KITO INI NAK MEMBERI TAU KUPADO KAYO KAUM ADAT STAFF NEGERI.

PEPATAH ADAT JUGO NGATO..

SI GEDONG-GEDONG KEJO, BAPULONG TAU.

PERTENGAHAN KEJO, NJUK TAU.

KECIK KEJO, SETAU.

INI PUMEN, CUPAK GANTANG KITO INI NAK MULPEH HUTANG!

HUTANG ITU BUKAN PULO BARUPO MEH DINGE KUNING,

PIRAK DINGE PUTIH, UANG YANG BUBILANG,

TANYO DINGAN JAWAB,

MELAINKAN HUTANG WAJIB TERHADAP ANAK ADO PULO 4-5 PERKARO :

1.       TIMBO KE SUNGAI

2.       TINDIK DABUNG

3.       SUNNAH ROSSUL

4.       LPEH NUNTUT

5.       TIKAH KAWIN

INI NYO NAK MLPEH HUTANG YANG PARTAMO PUMEN..

TIMBO KE SUNGAI.

MANO PULO PINTAK PINTO KITO PADO ANAK INI,

SUPAYO NYO MENURUT AGAMA ALLAH

DAN SUNNAH RASULL

SUPAYO NYO PATUH PULO KEPADO IBU BAPO

PEPATAH ADAT JUGO NGATO

SEKALI KE INDRA PURO,

DUO TIGO KE BATANG KAPEH,

SEKALI MUKAK PUHO,

DUO TIGO HUTANG LPEH.

KINI PUMEN, ADO PULO TAMBAH INDUK,

INDUK DI TINGGAN, INDUK DI DPET,

KALU DEKAT SAMO DI ULONG,

KALU JAUH SAMO DI KNANO.

BEGINI NINIK MAMAK,

PISANG ELANG DITENGAH PADANG,

BUAHNYO SIKEK DUO SIKEK,

KALU KITO BENTANG MBUH BAE NYU PANJANG,

KINI KITO KUMPAN MAK NYO SINGKEK .

SEBAGAI PUNYEMPUT KATO DINGAN TINGGAN,

PUNAMBAH KATO DINGE ADO,

KAMI SERAHKAN PULO KEADO KAYO NINIK MAMAK,

BATEH INI PUMEN PENYAMPAIAN DARI KAMI NINIK MAMAK

SEBAGAI MEH PUNUO KATO ,

SUPAYO ADAT IDAK KUPAK LEMBAGO JANGANNYO SUMBING,

KAYO TERIMO..!

JAWABAN PARNO

LAH SAMPAI ITU NINIK MAMAK...?!

ASSALAMUALAIKUM WR,WB...

MUNYALO KULUBUK PAKU

DAPAT SEMAH TIGO DINGE LIMO

PUNUMBUK KATO IYO ALU KE AKU

TAPI DINGE NENGA  PULO  KITO BUSAMO

KINI KARNO KITO MUNGINGAT PISANG ITU BUBUAH

JAGUNG ITU BURAMBUT

GULO ITU MURUAP

ANDAI ITU BUTINGKAH

GAYUNG ITU BUSAMBUT

KATO ITU BUJAWAB

KALU IDAK DAPAT TANAH DIPINGKAH

MANOPULO DAPAT TANAH  DIPANGKU

KALU IDAK DAPAT KATO DITINGKAH

MANO PULO KITO DAPAT KATO SELUKU

INI KITO JAWAB JUGO KATO KAYO ITU

MENURUT SEPANJANG ADAT ICO PAKAI KITO

SEJAK  DULU SAMPAI SEKARANG

YO LAH KAMI DENGA PULO DARI AWAL SAMPAI AKHIR

DARI MULO SAMPAI KESUDAHAN

YO PUMEN, KAYO BUJALAN LAH MUNUJU LUHUH

BUKATO LAH MUNUJU BENA

NEBANG KAYO LAH MUNUJU BANGKA

MULANTING LAH MUNUJU TAMPUK

KAYO MUNIMBAK LAH MUNUJU PULO  ALAMAT

KAYU SEJARAK DI SUMATRA

TUMBUH DILAWANG PARAMATU ALLAH

NYO BAPUCUK KA UNDANG-UNDANG

NYO BABATANG, BATANG PASKO

NYO BAUREK LAMBAGO JATI

RAK LEMBAGO DI BUMI APO KATONYO ?!

UNDANG-UNDANG BARAPUCUK BULAT

NYO BUDAHAN KATALITI

NYO BARANTING KA SEMAT DUO PULUH

NYO BUDAUN KUTUBAH DAKWA

ADOPUN DAKWA SALILIT ALAM

ADOPUN JAWAB SADINDIN ALAM

KUDATEH TUNJUK KAYO TADI

KAYO MUNGENTIK KATO YANG BAUNDANG

KAYO ILO KAKIRI, KAYO NGIRAI KATO TALITI

TABILOK KAKANAN, TABILOK MUNJADI UKIR

MAJU KAMUKO, TARENTANG MUNJADI BARIH

KAYO TEGAK DALAM YANG BAUNDANG

KAYO MAHAT DALAM YANG BASIFAT

ADO DIH NABI MUNGATOKAN

AL-FIKRU SIRAJJUL QOLBI

BARAMULO ULU PIKI ITU PELITO HATI

ULU TENANG ADIL BICARO

GEDONG HATI LAUT ILMU

GEDONG AKAL LAUT PIKI

LUBUK ADAT PENDOM PASKO

LUBUK  BUDI TAPIAN BASO

LUBUK MEH PASUSUNAN KAWAN

BARU NYO BENA MENURUT ADAT

BARU NYO SAH MENURUT SERAK

BARU NYO BETUL MENURUT ICO PAKAI KITO

SEJAK DULU SAMPAI SEKARANG

IDAKNYO LAPUK KARNO HUJAN

IDAK LEKANG KARNO PANEH

DINGE DIASAK IDAK MATI

DINGEN DIANGGUNG IDAK LAYU

DINGE TIBENGKAH DARI BUMI

DINGE TACUREK DARI LANGIT

BEKU DIDALOM KARANG SETIYO!

BEGINI NINIK MAMAK,

SURIAN DITENGAH PADANG

AKANYO SUSUN BASUSUN

API KEMENYAN LAH TAPANGGANG

HIDANGAN LAH TARAJUN

DOA BERKAT DOA SELAMAT

KITO SERAHKAN PADO ALIM ULAMA..

PARNO KENDURI PADI/SYUKURAN

BISMILLAHIRRAHMANIRAHIM

ASSALAMUALAIKUM WR.WB...`

BEGINI KITO BUSAMO..

MANOPULO MAKSUD CUPAK GANTANG KITO MANGGIN KITO INI

YO MELAINKAN IDAK NYO NAK MUNGADOKAN KENUHI

KARNO NYO LAH MENDAPATKAN RISKI

HARUS PULO KITO BERSYUKUR KEPADO ALLAHU TA’ALA

DIDALAM PADO ITU PULO..

KARNO KITO INI SIPAT MANUSIO SIPAT RAGU DAN CMEH

SAMU DINGE BAUMO DITEPI AYI

AROK PADI MUNJADI, CMEH AYI DALAM

MANOPULO SEGALO KITO TERHADAP TUAN RUMAH

DAN JIKALAU ADOPULO SIMANGET PADI DINGEN TASURUK DIBAO MENCIT

DINGEN TACICI DIBUO TUPAI

DINGE TIREBANG DIBUO BURUNG

DAN DINGE TINGGAN BUTINGKIN TINGGAN BUGAGANG

HENDAKNYO PINTAK KITO, MAKNYO KEMBALI SEMANGETNYO KEPADO KITO

DAN DALOM PADO ITU, KALU ADO PULO ARWAH DINGE MATI LAMO MATI BARU

MATI DITELUK MATI DIRANTAU

SEBELAH KE GURU SEBELAH RAJO

SEBELAH KE IBU SEBELAH KE BAPO

SAMO-SAMO PULO KITO INI MEMINTAK KEPADO ALLAH...

KALU NYO BERAT MINTAK DI RINGAN

KALU NYO RINGAN MINTAK DI LPEH

KALU NYO ANGAT MINTAK DI DINGIN

KALU NYO SEMPIT MINTAK DI LAPANG HENDAKNYO

BEGITU PULO UNTUK SANAK SAUDARO KITO YANG ADO DI RANTAU

DAN JUGO KITO YANG ADO DI DUSUN,

MAK NYO MURAH RISKI, SEHAT BADAN

TAAT DALAM MENJALANKAN IBADAH SESUAI SUNNAH ROSULL

SURIAN DITENGAH PADANG

AKANYO SUSUN BASUSUN

KEMENYAN LAH TAPANGGANG

HIDANGAN LAH TARAJUN

DOA BERKAT DOA SELAMAT

KAMI SERAHKAN PADO ALIM ULAMA

PARNO NGURAK SILO

BEGINI NINIK MAMAK, DATANG KAMI LAH KAYO HORMATI

DUDUK KAMI LAH KAYO MULYO

DUDUK KAMI LAH PADO TEMPATNYO

SEBAGAI HIDANGAN KAYO YANG TELETAK

MAKANAN LAH MENGENYANG BAGI KAMI

AYI LAH MULAPEH HAUS BAGI KAMI

KINI PUMEN, TARENTAK JALAN KE KOTO MANJIDIN

JALAN TERUH KE KOTO TUO

LAH LAMO KITO DUDUK DALAM KENDURI

KARENO KITO LAH LAMO DUDUK, KAKI LAH TERASO MULAI PENAT

KINI KAMI MINTAK IZIN MUNGURAK SILO

PEPATAH ADAT JUGO NGATO

KEMANTAN DUDUNNYO TIGO

BELAH MUDIK DUSUN PENDUNG

KAMI DATANG TADI NAMPAK MUKO

KAMI BALIK NAMPAK PUNGGUNG

JAWABAN MUNGURAK SILO

BEGINI NINIK MAMAK

PEPATAH ADAT NGATO

SIANG BAPANGGA LITAK

MALAM BAPANGGA NGANTUK

LAMO DUDUK BUPANGGA PENAT

KAYO NAK MINTAK IZIN MUNGURAK SILO

KAMI DO’AKAN SUPAYO HENDAKNYO KAYO SELAMAT SAMPAI PADO TUJUAN

DITENGAH JALAN NANTI IDAK ADO BERUPO DAHAN NAK MENIMPO

RANTING YANG KAMENYUCUK.

TAPI KALU AGI KITO NAK BABIDUK

MAI KITO TULAK DARI TEPI

KALU AGI KAYO NAK DUDUK

NAK DIPERINTAH CUPAK GANTANG MENA KUPI

SIPILO TANJUNG SEGUGUK

DINGAN BUBUAH DITEPI KANDANG

KAMI NGENANO KA KAYO SILAMO KAYO DUDUK

LEWAT DARI PINTU KANDANG YO IDAK TANGGUNG JAWAB KAMI

YO KAMI LAPEH KAYO DINGAN HATI SUCI MUKO JERNIH

TAMAT