NGAJI ADAT SEMURUP - KERINCI

     

       SAFWANDI, S.AP, DPT

         ( GELAR IJUNG PUTIH TUO) 

PENGAJIIAN ADAT

 TIGO LUHAH SEMURUP - KERINCI

  Disusun dan disunting ulang Oleh :
 SAFWANDI, S.AP, DPT 
( GELAR IJUNG PUTIH TUO)


BISMILLAH HIRAHMANIRRAHIM

SARI ALAM MELIPUTI ALAM NAMO DIKUMENYAN

KAYU RANAK KAYU RANI

KAYU RAJO YANG TIGO SILO

KAYU TUENKU YANG SATI-SATI

 KAYU TUENKU YANG DIKURAMAT

BANGKANYO GEDANG TEMPAT DIBUSILO

BATANGNYO GEDANG TEMPAT DIBUSANDA

DAUN NYO RIMBUN TEMPAT BUTEDUH  DIWAKTU KEPANASAN

TAPRUN KUPADO API

SALINDUNG ALLAH NAMO APINYO

SERU ALLAH NAMO ASAPNYO

MUNYERU RUH YANG SATI-SATI

 MUNYERU RUH YANG DIKURAMAT

DIMURESAP KEPADO TUJUH TAP PETALO BUMI

DIMURESAP KEPADO TUJUH TAP PETALO LANGIT

DIMURESAP KEPADA AMBIA ALLAH

DIMURESAP KEPADO NABI ALLAH

DIMURESAP KEPADO ALLAH

ADO  DIH MULAYU NGATO

PEPAT DIPEPAT BATANG KUDUDUK

SERUMPUN DINGAN BATANG UBI

URANG MUNGALAH DI KOTO TEBAT

MASAK PADI UHANG TALANG LINDUNG

RAMBIO DIPANJAT JANGAN

SADU SIRAPET KITO DINGEN DUDUK

SADU DILINGKUNG UMAH INI

KUPADO ALLAH KITO MINTAK TAUBAT

KUPADO NABI KITO MINTAK SAFAAT

KUPADO MANUSIO KITO MINTAK MAAF

DUO DIH MULAYU NGATO

PEPAT DIPEPAT BATANG KUDUDUK

 SARUMPUN DINGE BATANG UBI

JALAN TRUH KUKOTO LALANG

TRUH LAGI KUPADONG UBI

SADU SIRAPET KITO DINGE DUDUK

SADU DILINGKUNG UMAH INI

KITO MUNGENTIK KATO BAUNDANG

KITO MUNGIRAI KATO TELITI

NGAJI ADAT NGAJI PASKO

ADAT LAMO PUSAKO USANG

KALU NYO SALAH MINTAK DISAPO

KALU NYO BENA MINTAK DIDIRI.

TIGO DIH MULAYU NGATO

NAK ILI KA INDRA GIRI, 

SINGGAH BURENTI KOTO MULAKO

SEMBAH KAMI SADU DINGE NGAJI,

NGAJI ADAT NGAJI PUSAKO

SUDAH DIPAKAI UHANG TUO-TUO

SUPAYO ADAT MAK NYO NYATO,

SUPAYO SERAK MAK NYU NYALO

EMPAT DIH MULAYU NGATO

BUNGKEN GENAP MUNAHAN UJI

HUKUM ADIL MUNAHAN BANDING

KALU ADIL HAKIM BARABANDING

ADAT DINGAN SERAK SAMO DI KAJI

LIMO DIH MULAYU NGATO

BURUNG PIRAK TERBANG KE SASAK

TIBO DI SESAK HINGGAP DI CAPO

SEMENJAK KUNINEK TURUN KUMAMAK

TIBO DIMAMAK TURUN KE KITO

BURUK LI BARAGANTI LI

BURUK PUO JALIPO TUMBUH

BAH KAYU ARO JELATANG BANGKIT

HILANG CINCIN PARAMATO TIMBUN

DISITU BESI TELANTAKKAN PAPAN

DISITU DAWAT TARALUKISKAN BATU

IDAKNYO LAPUK KARNO HUJAN

IDAKNYO LEKANG KARNO PANEH

DINGE DIASAK IDAK MATI

DINGE DIANGGUNG IDAK LAYU

DINGE TIBENGKAH DARI BUMI

DINGE TACUREK DARI LANGIT

BEKU DIDALAOM KARASETIO!

LAMBAGO ITU EMPAT PARAKARO :

PARATAMO ITU LAMBAGO DAPUR

KA DUO LEMBAGO KURUNG

KA TIGO LAMBAGO NEGERI

KA EMPAT LAMBAGO ALAM

MANO DIKATO LEMBAGO DAPU ?

YO DIDALAM ISI UMAH KITO

MANO DIKATO ISI UMAH KITO ?

NINIK MAMAK SURANG

 DEPATI SURANG

ANAK JANTAN SURANG.

KALAUNYO TUMBUH SILANG SELISIH BAGAIMANO DAWAHNYO ?

KITO DAWAH DALAM MUFAKAT

BAGAIMANO KAJINYO ?

KITO KAJI DALAM BURUNDING.

MANO DINGE TINGGI MAKNYO RENDAH

MANO DINGE GEDANG MAKNYO KECIK

MANO DINGE KECIK MAKNYO ABIH.

MANO TEMPET KITO BUKAJI ?

TEBU BUPALUT DINGE DAUN

NANGKO KALUMAK DINGE GETAH

TAU AYI BELUM BURIAK

DAUN KAYU BELUM DIBURINGGUNG

KUASO IKAN KARENO IDEH

KUASO BURUNG KARENO SAYAP

MANEN BUNYI KAJINYO ?

NGEKEH KERBAU DINGE KULIT

NGEKEH MANUSIO DINGE NINIK MAMAK

TAU-TAU PATI PENGHULU

ANAK JANTAN TAGANAI UMAH

APO LAH NAMO KAMPUNGNYO ?

NAMO KAMPUNG BUAH TAMANGGI

APOLAH NAMO MEH ANGUSNYO ?

MEH SAPETAI MEH ANGUSNYO

KA DUO LAMBAGO KURUNG

BAGAIMANO TUMBUHNYO ?

YO DIDALAM KURUNG KAMPUNG KITO

BAGAIMANO KURUNG KAMPUNG KITO ?

ATAP BUSANGGIT MENDUN BUTUMBUK

LEBUH BAULONG SAMO DIHUNI

SAMO TAGENANG SAMO DICAUK

LAMAN BARASIH SAMO DITEMPUH

ANAK BUAH ANAK PUNAKAN SAMO DIAPAH DALAM NEGRI

KALAU NYO TUMBUH SILANG SALISIH BAGAIMANO DAWAHNYO ?

KITO DAWAH DALAM PASKO

BAGAIMANO KAJI NYO ?

KALU NYO LUKO KITO PAMPEH

KALU NYO MATI KITO BANGUN

LEMBAM, BALU, TEPUNG, TAWA, KUNDU, BATANG,

SANDARAN BANGUN

BAGAIMANO PANYUDAHANNYO ?

ATEH NYO MBUK SAMO MBUK

ATEHNYO SUKO SAMO SUKO

APO BUNAMO KAMPUNGNYO ?

NAMO KAMPUNG DI ULU AYI

KRUH AYI JINGOK KEHULU

NYENTUNG AYI JINGOK KE MUARO

APO BANAMO MEH HANGUS NYO ?

MEH SAKUNDI MEH HANGUSNYO

KA TIGO LAMAGO NAGARI

BAGAIMANO TUMBUHNYO ?

YO DIDALAM PARIT BARASUDUT EMPAT

DIPEGANG PURBUKALO BUNGKAN YANG EMPAT

TIGO LUHAH ISI NEGRI

KALAU NYO TUMBUH SILANG SALISIH BAGAIMANO DAWAH NYO ?

KITO DAWAH DALAM BATANG PASKO

BAGAIMANO KAJI NYO ?

TASUNGKUT KENO TABALIK LPEH

YO MAMBAYA IDAK BASUDAH.

MANEN BUNYI KAJI NYO ?

BNEH SATINGKIN AMPO SAGAGANG

BAH KE KIRI MENANG KE KANAN

ALAH SUCI MENANG BIBEH

BERUK DIRIMBO KNO SUSU

ANAK DIPANGKU KNO BUANG

KATO PASKO IDAK DI ASAK

MUNCARI SAP DINGE JERAMI

MUNCARI TUNGGUN DINGE MARUAN

MUNCARI TUNEH DINGE PAMARAP

KALU IDAK NYADO DINGE SADU ITU

BIA SABILIK MUNAHU PADI, PADI AMPO

BIA SAGUCI MUNAHU MEH, MEH LANCUNG

APO BUNAMO KAMPUNGNYO ?

NAMO KAMPUNG BATU DI PULAU

MEH SA MEH TAJAM BUTIMBANG

KALU NYU LALU NYU NAK MUPUT

TABALIK NYO NAK NGENAI

IDAK UJUNG PANGKAN MUMAKAN

IDAK KAIT TUPANG MUNGENAI

IDAK TAJU TAJI MUMAKAN

ADO DIH MULAYU NGATO

TALI TEGUH TEMPAT BUGANTUNG

KATO BENA TEMPAT PUCAYO

KALU NYO DAPAT KATO SIO-SIO

SERAHKAN SAJO KUPADO UNTUNG

DUO DIH MULAYU NGATO

BUNYI NYO KETIK GARUGO BANDUNG

BUNYI NYO TERIK GARUGO HUTAN

DINGE TITIK NAK DITAMPUNG

DINGE MIRIH NAK DILIKAM

WARIH NAK DI JAWAT

WALIPAH NAK DIJUNJUNG

GILE BAGILE SEJAK DULU SAMPAI SEKARANG

DISITU BESI TELANTAKKAN PAPAN

DISITU DAWAT TARALUKISKAN BATU

IDAKNYO LAPUK KARNO HUJAN

IDAKNYO LEKANG KARNO PANEH

DINGE DIASAK IDAK MATI

DINGE DIANGGUNG IDAK LAYU

DINGE TIBENGKAH DARI BUMI

DINGE TACUREK DARI LANGIT

BEKU DIDALAOM KARASETIO!

KA EMPAT LAMBAGO ALAM

BAGAIMANO TUMBUHNYO ?

BUNGKAN BATUMBUK SAMO BUNGKAN

NAGARI BATUMBUK SAMO NAGARI

MENDAPO BATUMBUK DENGAN MANDAPO

KALU NYO TUMBUH SILANG SALISIH BAGAIMANO DAWAH NYO ?

KITO DAWAH DALAM YANG BAUNDANG

BAGAIMANO KAJI NYO ?

SARI ADO SARI BANAMO, SARI ADO SARI BUGELA

SARI GUNTUR SARI KILAT, SARI BUTEPUK TELINGO ANGAT

SARI ADO SARI BULANJO, SARI BULEKUK PURMEN TANAH

BUKIT DIDAKI LURAH DITURUN, KREH DITAKIK LUNAK DISUDU

JINGOK PUNAKIN BALIK PUNURUN

JINGOK PADANG SIBALIK RIMBO

JINGOK UDANG SIBALIK BATU

IDAK JUGO SEDANG DISITU

IDAK BURMEH BUNGKAN DIASAH

IDAK BUBAREH ATAH DIKISAI

IDAK BUKAYU JENJANG DIANGKAH

PUKARO INI DIMAJUKAN JUGO

IDAK JUGO SEDANG DISITU

BIA TEBESUT KUBAWANG ABANG, TUNGGAK KUDATEH BUBUNG KUBAWAH, LAH KITO TUIK LAH KITO TANYO, BUPASI ILI BUPADANG MUDIK, IDAK JUGO SEDANG DISITU

KITO BURANYUT MAK AIR, KITO BAK ILI MAK KALAM, BUTALI ALUH BACETA LEMAH, NAIK BALAI TURUN MENDAPO, JINGOK MESJID YANG DUO BLEH, KITO TAKIK KETANAH RIANG, LIK BUKIT KAJANG SELEPAK, IDAK JUGO SEDANG DISITU

UNDANG-UNDANG BUTALI GALEH, TALITI BUTALI SEMAT, DUKUNG BREH JAGO SANGU, BALANTAK TAJU ILE KUJAMBI, JINJEK SEMAT YANG DUO PULUH, BARATAMU DINGE RAJO KITO BATIGO URANG

MANOLAH RAJO BATIGO URANG ?

PARATAMO PANGERAN SUKARTO

KADUO PANGERAN SUKO JAYO

KATIGO PANGERAN TAMENGGUNG

UNDANG-UNDANG ITU TURUN DARI MINANG KABAU, TALITI MUDIK DARI BANDA JAMBI, ADAT YANG EMPAT DATANG DARI ALAM KERINCI, BARATAMU DI BUKIT JUMBAK, BUKIT JUMBAK PARATAMUAN UNDANG-UNDANG, TANJUNG SAMALINDU PARAMEN BESI, LIK BAI SARUNTUN MANAU, LIK GALANGGANG YANG TIGO SUDUT, LIK MACANG YANG SABAUN, LIK BUKIT ANGGAR TAKULUK, PAMATANG PARADUN PAU USO, DISITU DEDAP BARADURIKAN MEH, ANTAU PARMEN LIMU KAPEH, KUTO BATU BARALUN ILE, KUTO DUNDAN BARALUN MUDIK.UNDANG-UNDANG BALIK KUMINANG KABAU, TELITI ILE KUBANDA JAMBI, ADAT YANG EMPAT BALIK ALAM KERINCI, SERAK MEMBUBUNG NAIK  KE LANGIT, PASKO JATUH KE BATANG ANTAU, LIK BATIN YANG SEMBILAN, TENTANG BATU YANG DUO BLEH

APU DENDAM UNDANG-UNDANG TINGGAN ?

APU PESAN TELITI BALIK ?

APU UMANAH SERAK TINGGAN ?

NDA DENDAM UNDANG-UNDANG TINGGAN ???

MEH SA MEH TINGGAN DI KITO

KALU NYO KUSUT TEMPAT BU USAI

KALU NYO RENGKANG TEMPAT BASUSUN

KALU NYO SILANG TEMPAT BUPATUT

KALU NYO SARAN TEMPAT BUBAGIH

SEKO TU DIBELAH DUO

TARAJUN KITO DIPUNAIK

BURUK DIBARU, KUMUH DISESAH

SALAH TARIK MENGEMBALI

SALAH PAKAI DIPALULUH

SALAH MAKAN DIMUNTAHKAN

TUMBUH DI CUPAK DILIHATI

TUMBUH DI ADAT DISUSUNI

TUMBUH DI BATANG PASKO SAMO DIDAKI

TUMBUH DI UNDANG SAMO DI KERASI

TUMBUH DI SERAK SAMO DI KAJI

APU PESAN TALITI BALIK ?

SALAH PAUK MEMBERI PAMPEH

SALAH BUNUH MEMBERI BANGUN

NAK BABINI ISI ADAT ISI PASKO

NAK LAHI TUANG LAMAGO

ADO DIH MULAYU NGATO

TANJUNG PAUH MUNANAM KAPEH

SUNGAI PENOH MENANAM TIMUN

ORANG PIANTAU MEMBAWA AIR

SAPO DINGAN MAUK ITU DINGAN MAMPEH

SAPO DINGAN MUNUH ITU DINGAN MANGUN

SAPO BARUTANG ITU DINGAN MAYA

APO UMANAH SERAK TINGGAN ?

SURUH DI KERJO, TEGAH DI HENTI

SAH DI PAKAI, BATAL DI BUANG

TATKALO MASO  AGI DULU, SAPU DINGE DULU NYAMBUT WARIH ?

ADOLAH RAJO YANG BA TIGO URANG.

MANOLAH RAJO YANG BA TIGO URANG ?

PARATAMO RAJO KALIPAN

KADUO RAJO KARBAN

KA DUO RAJO KARTON

MANOLAH PEGANG RAJO KALIPAN?

MEGANGKAN SUNGAI SEMBILAN BATANG.

MANOLAH SUNGAI SEMBILAN BATANG?

PARATAMO BATANG TEBO

KADUO BATANG BUNGO

KATIGO SUNGAI TABIR

KAEMPAT PALEPAT YANG SELAMAT

KALIMO BUKIT LANCUP

KAENAM SELING

KATUJUH RANTAU LIMAU MANIH

KALAPAN MARO MASUMAI

KASEMILAN BATANG MERANGIN

MANOLAH PEGANG RAJO KARBAN?

MEGANG SAMBILAN LARIK PUNCAK PALEMBANG.

SATU DI PALEMBANG

DUO DI BANGKA ULU

TIGO LAHAT

EMPAT TEBING TINGGI

LIMO LIMUN

ENAM BATANG ASAI

TUJUH REJANG ULU MUSI

LAPAN KETAUN

SEMILAN SEBLAT

DITUNGGU SULTAN JURU BATU, ADO PUSAKO TINGGAN DISITU:

PARATAMO PEMARAP

DUO PARATIN

TIGO PANGIDEH

EMPAT PASIRAH

MANOLAH PEGANG RAJO KARTON?

ILI SUNGAI TEREH,

SARUJEN TANAH ABANG,

SIPERTIGEN TANAH BETAWI,

TABAO LAUT SABELAT KUDARAT AU SARUMPUN,

ADOLAH PARIT YANG SAMAMBO,

ADOLAH PASIR YANG TARENTANG.

APOLAH TANDO DIO ADO DISITU?

KUDATEH MUNJADI ELANG PUTIH,

KUBAWAH MUNJADI BIDAI PUTIH,

TEMPAT PUTI BUDARAH PUTIH,

KALU DIO MUDIK KE BANGKU NDAH, KUBANGKU TINGGI, DIO BARATEMPAT KUALA JAMBI, DIO TETAP MUARO MASUMAI.

ADO DIH MULAYU NGATO:

NAK SAYO BILANG BATANG TAMENGGI

BATANG MENTIMUN MASAK SERANGKAI

NAK SAYO BILANG BATANG JAMBI

SO DENGAN LIMUN BATANG ASAI

4. BATANG TEMBESI                    

5. BATANG HARI

6. BATANG TEBO                                      

7. BATANG BUNGO

8. SUNGAI TABIR                                      

9. PULAU RENGAS

DISITU PAMUNCAK TANAH JAMBI, ILI LA BATIN YANG SEMBILAN MEMBAO KERBAU YANG SEMBILAN EKOR, MEMBAO BEREH SEMBILAN RATUH, MUDIK LA JENANG YANG BUTIGO, NEPAT KU RENAH SALANG BUKU, BARATEMU DENGAN RAJO KITO YANG BATIGO URANG, KERBAU DIPOTONG BEREH DI ANGUH, DISITULAH URANG BARAPADU PADAT MENCACAK DEPATI BATUJUH URANG, BATAKAH NAIK BAJENJANG TURUN, DISITU DIAMBIK TIRU TUREN DAN TAULADAN, DAWAH DAN JAWAB, BINA DAN SAKSI, BUNGKAN TARJUN YANG PIAWAI, TIAP-TIAP KATO ADAT KATO PASKO, BARASANDI  KUPADO CUPAK YANG DUO, KATO YANG EMPAT, NAGARI YANG EMPAT, UNDANG YANG EMPAT, ADAT YANG EMPAT.

MANOLAH DIKATO CUPAK YANG DUO?

PARATAMO, CUPAK ASAL

KADUO, CUPAK BUATAN

MANOLAH DIKATO KATO YANG EMPAT?

PARATAMO, MUPAKAT;

KADUO, KATO ADAT;

KATIGO, KATO PASKO;

KAEMPAT, KATO SERAK.

MANOLAH DIKATO NAGARI YANG EMPAT?

PARATAMO, SECUPAK;

KADUO, SAJAHA;

KATIGO, MEKAH;

KAEMPAT, MADINAH.

MANO DIKATO UNDANG UNDANG YANG EMPAT?

PARATAMO, UNDANG-UNDANG LUAK;

KADUO, UNDANG-UNDANG NAGARI,

KATIGO, UNDANG-UNDANG URANG DIDALAM NAGARI;

KAEMPAT, UNDANG-UNDANG YANG DUO PULUH.

MANO DIKATO ADAT YANG EMPAT?

PARATAMO, SIBENA ADAT, ADO DALIL FIRMAN ALLAH MENGATOKAN

“ INNI JA’ILU FIL ARDHI KALIFAH “ :

MAKO DIDIRIKANLAH RAJO DIATAS DUNIA INI DENGAN PASURUH AKU, JADI WAKIL AKU, LA KATO ALLAHU TA’ALA MENGATOKAN :

SURUH DIKERJO,

TEGAH DIHENTI,

SAH DIPAKAI,

BATAL DIBUANG.

KADUO, TARA ADAT;

KATIGO, ADAT YANG DIADATKAN;

KAEMPAT, ADAT JAHILIYAH.

MANOMDEPATI BATUJUH URANG?

PARATAMO, DEPATI SATIO RAJO

PANDAI MUNGIYO KATO RAJO, PANDAI MUNGIYO KATO JENANG, DIO TINGGAN DILUBUK GAUNG PARA MENTIN RIO MENGALUN,

DUO, DEPATI SATIO NYETI,

PANDAI MUMETI KATO RAJO, PANDAI MUMETI KATO JENANG, DIO TINGGAN DIBUKIT BATU, BIRAI BIRU TEBU SARINGE, PARAMENTI RIO SARI.

KATIGO DEPATI SATIO NYATO,

PANDAI MUNYATO KATO RAJO, PANDAI MUNYATO KATO JENANG, DIO TINGGAN DURIEN DITAKUK RAJO, PARAMENTIN RIO MENTIN.

DEPATI NAN BATIGO TINGGAN DI BARUH DENGAN MANUNGGU KERINCI NDAH DENGAN MANUNGGGU KERINCI TINGGI,

MANO DIKATO KARINCI NDAH?

IOLAH RENAH SALONG BUKU,

MANOLAH DIKATO KERINCI TINGGI?

IOLAH ALAM PANGKEN JAMBU, URANG PASIRAH PARATIN TUO, URANG PARATIN YANG DUO BELEH, SELUK AWAI BARINGIN SANGGUN, URANG SAKANCI MARO SIAU, DIO TETAP DI KOTO TAPUH SARAMPI NDAH SARAMPI TINGGI, KALU DIO MUDIK NAH KEMUMU, TALANTAK KE TANAH SEMERAN AGUNG, SEMEREN AGUNG TANAH UNDAN-UNDANG, SELEMAN TANAH MUNDAPO, TEMPAT BASUSUN DEPATI EMPAT DENGAN SELAPAN HELAI KAIN

URANG BUTAUH DI UJUNG TANJUNG

URANG MULANCA DI AIR MULIN

RAJO JAUH DIPANGGINNUNTUNG

RAJO PARAK DIPANGGIN SIRIH

RAJO DEKAT DIPANGGIN KATO.

DEPATI YANG EMPAT BALIK KE ALAM KERINCI TARAJUN KE BANGKA DALAM, MEMBAO GALIWANG YANG TIGO BELAH, MUMBAO TUMBAK YANG TIGO BATANG, MUMBAO RUTAN YANG TIGO LIDI.

MANO DIKATO DEPATI YANG BARAEMPAT URANG?

PARATAMO DEPATI MARO LANGKAP,

PANDAI MUNANGKAP KATO RAJO PANDAI MUNANGKAP KATO JENANG, DIO TINGGAN DI TAMIAI.

DUO DEPATI RENCONG TELANG;

PANDAI MUNERANG KATO RAJO, PANDAI MUNERANG KATO JENANG, DIO TINGGAN DIPULAU SANGKAR.

           

TIGO DEPATI BIONG SARI,

PANDAI MUMIONG KATO RAJO, PANDAI MUMIONG KATO JENANG, DIO TINGGAN DI PUNGASI.

EMPAT DEPATI BATU AMPA,

PANDAI MUNGAMPA KATO RAJO PANDAI MUNGAMPA KATO JENANG, DIO TINGGAN DITANAH SAMIRAN AGUNG, SAMIRAN AGUNG TANAH UNDANG-UNDANG SALIMAN TANAH MUNDAPO, TEMPAT BASUSUN DEPATI EMPAT DENGAN SELAPAN HELAI KAIN,NURANG LULO BAKAIN TUNGGAN URANG SEORANG BUNAMO DUO.

I.                    MANO UTEH DINGE BATEH DEPATI EMPAT DINGE SELAPAN HELAI KAIN ?

KUBAWAH ARUN DALAM, KUDATEH TEBING TINGGI, TANJUNG BARINGIN, PULAU GADING, KAYU EMBUN BAJAJA TIGO, KALU SAHINGGO ITU ILE INGATKAN DIO DEPATI EMPAT, KALU SAHINGGO ITU MUDIK, INGATKAN KITO SELAPAN HELAI KAIN, KALU SUNGAI SUDAH BUBATANG KALU TANAH SUDAH BUGABUNG KALU GENGGAM SUDAH BUUNTUK INGAT KANANO MASING-MASING.

APO PANUO UTEH DINGE BATEH ?

ADO PAMANGKU BALIMO URANG,

PETINGGI, TANJUNG BELIT, KARTAN BATU,NDITUNGGU PAMANGKU BALIMO URANG

MANO PAMANGKU BALIMO URANG?

PARATAMO PAMANGKU SAYO RAJO,

DIO TINGGAN DIKOTO PETAI. DUO PAMANGKU CAYO RAJO DIO TINGGAN SEMERAP UJUNG PASIR.

DUO PAMANGKU CAYODARAJO,

DIO TINGGAN SEMERAH BUNGO TANJUNG, ORANG BATELAP DIBATU IPUH, ORANG BETARAP DIBATU BELANG.

EMPAT PAMANGKU DIRAJO

DIO TINGGAN SABUKAR KOTO IMAN, PAMANGKU MALINDIMAN DITANJUNG TANAH, CAPIKAU URANG TUO DAHIN NENGAKA RAJO MENGERNAH MENGERNAHKAN UTEH DINGE BATEH.

APO PANUO UTEH DINGE BATEH?

ADO LANTAK YANG TIGO JENJANG

SATU DISALIMAN,

DUO DITANAH RAWANG,

TIGO DI SEMURUP.

APU PANUO LANTAK YANG TIGO JENJANG?

ADALAH TANAH YANG TIGO,

SATU DISALIMAN,

DUO DITANAH RAWANG,

TIGO DISEMURUP.

APU PANUO TANAH YANG TIGO JEMBO?

ADO PIAGAM YANG TIGO PUCUK,

MANO PIAGAM YANG TIGO PUCUK?

SATU DISEMURUP,

DUO DITANAH RAWANG,

TIGO DISALIMAN.

DIO TATARUH DIHIANG TINGGI,

APO SEBAB DIO TATARUH DISITU?

DIO ITU ANAK BUTINO DALAM, BEKEMBANG LAPIK BUKEMBANG TIKA, BAPIUK GEDANG BATUNGKU JARANG.

KALU DIO DUDUK DI SELEMAN, GELA DEPATI BATU AMPA, PANDAI MUNGAMPA KATO RAJO, PANDAI MUNGAMPAKAN KATO JENANG, DIO ANAK BUAH DEPATI EMPAT.

KALU DIO DUDUK DI HIANG TINGGI GELA DEPATI ATUR BUMI SIRAH MATO, PANDAI MUNGATUR KATO RAJO, PANDAI MUNGATUR KATO JENANG, DIO ITU ANAK BATINO KITO SELAPAN HELAI KAIN.

TATKALO MASO AGI DULU, MANO JALAN BALIK ALAM KERINCI ADALAH LAWANG YANG TIGO,

MANOLAH LAWANG YANG TIGO?

PARATAMO LAWANG SUREH CERMIN, MUDIK DARI JAMBI,

DUO DINGE SUREH PENGGAN, YAITU JALAN TENGKU REGEN TANAH INDRAPURO DIATEH BUKIT PANINJAU LAUT LIK BALAI BARATAPKAN IJUK.

TIGO DINGE LAWANG SUREH LIPAN, YAITU TURUN DARI KOTO LIMAU MANIH DIALAM KERINCI INI.

PARATAMO TARAK,

KADUO KOTO,

KATIGO DUSUN,

KAEMPAT NAGARI,

KALIMO MANDAPO,

KAENAM PELAK YANG BARAJUMPUK,

KATUJUH PANCALO,

KALAPAN BANJA PARAJILO PANJANG,

KASIMILAN PUNGGUK.

TATKALO MASO AGI DULU, KURINCI ITU BELUM BUGELA KURINCI, AGI BUGELA ALAM KUNCI,

SEMURUP BELUM BUGELA SEMURUP, AGI BUGELA ANTAU LIMAU PURUT,

SULAK ITU BELUM BUGELA SULAK, AGI BUGELA PADANG JAMBU ALO,

KEMANTAN ITU BELUM BUGELA KEMANTAN, AGI BUGELA PASIR TARENTANG, RAWANG ITU BELUM BUGELA RAWANG, AGI BUGELA PADANG SERAI MUNANTI, RIANG ITU BELUM BUGELA RIANG AGI BUGELA BUKIT KAJANG SELAPAK, URANG BAKUTO KUTO JALATAH,

SUNGAI PENUH  ITU BELUM BUGELA SUNGAI PENUH, AGI  BUGELA PADONG IMBO LULONG, URANG BAPUNDOKKAN PUNDOK TINGGI, ORANG BAKUTO KUTO PANDAN, MANDANGKAN KUTO LIMAU MANIH.

PUJUK JAMBI TIPU PALEMBANG,

PELIT LADEH KALITONG KUBANG,

TINGGI LANGGAK URANGKKUTO PAYANG,

GEDONG UNGGOH BELUI, TEBAT IJUK, KOTO MAJIDIN,

SOMBONG SEMURUP,

TAKBU SULAK,

PUCUK BASO PENDUNG KUMANTAN.

MANO MANDAPO YANG SELAPAN?

TIGO DILE EMPAT TANAH RAWANG,

TIGO DIMUDIK EMPAT TANAH RAWANG.

MANO MANDAPO YANG TIGO DILE ITU?

PARATAMO DI SALIMAN,

KADUO DI TANAH RIANG,

KATIGO DI PANAWA.

LA EMPAT DITANAH RAWANG, DEPATI PUNGGUNG SEPENUH BUMI, ORANG MANARUH MANDAPO BALUN.

MANO MANDAPO TIGO DIMUDIK?

SATU DISEMURUP,

DUO DIKEMANTAN,

TIGO DI DEPATI TUJUH

LA EMPAT DITANAH RAWANG , DEPATI MUDO TACUGUK  KENING TARAWANG LIDAH,

ADO PASKO TINGGAN DISITU, BATUMBAK BELANG BAJANGGUK JENGGI, BAJUMBAK MEH BAJAMUN PIRAK, ORANG MANARUH MANDAPO TAP:

II.                 MANO LAH UTEH DINGE BATEH URANG SUNGAI PENUH, DINGE ANAK URANG TANAH KAMPUNG?

KUDATEH BATU BASIDING, KUBAWAH BUKIT KEMUN, TAGINSI TANAH KAMPUNG KECIK, TERUH KUPADO SUNGAI ABU, LAPEH KUMARO AIR HITAM, BALEGUN TALANG BANIO, LANTAK MEH BAJAJA TIGO.

SAPU DINGE NUNGGU BIDEN BELAH DAIR BELAH ILIR ?

GELA DEPATI HIANG BATULANG TUNGGAN, LIK BANI BAJAJA TIGO.

SAPU DINGE NUNGGU BIDEN BELAH MUDIK ?

GELA PAMANGKU SUKO RAMI.

SAPU DINGE NUNGGU BIDEN SEBELAH TENGAH BELAH ILE ?

GELA DATUK MARAJO HITAM, TUNGGU TANAH KAMPONG DUSUN YANG EMPAT.

SAPU DINGE NUNGGU BIDEN BELAH MUDIK ?

DEPATI SINGO RAPI, ANAK URANG SUNGAI PENUH PEGAWAI RAJO PEGAWAI JENANG.

SAPU DINGE NUNGGU BIDENG BELAH DAHAT BELAH ILE ?

KABINGIN SATI,

SAPU DINGE NUNGGU BIDENG BELAH MUDIK ?

GELA DEPATI PAYUNG MANDARO UDO, ANAK URANG PONDOK TINGGI.

III.               MANOLAH UTEH DINGE BATEH URANG SUNGAI PENUH DENGAN MENDAPO TANAH RAWANG ?

KUDATEH BARANG SARONG ELANG, KUBAWAH PADONG LAPANG, KUILE DANAU CAPREH, LANTAK MEH BUJAJA TIGO, BARATUMBUK BENTI BARANAM BANTI BATUJUH.

MANO DIKATO BENTI BARANAM BENTI BATUJUH ?

SATU DI KOTO TEBAT

KA DUO SUNGAI ABU

KA TIGO SUNGAI TUTUNG

KA EMPAT SUNGAI MEDANG

KA LIMO AIR HANGAT

KA ANAM KEMANTAN DAHAT

KA TUJUH KEMANTAN TENGAH UMO

ITU DIKATO BENTI BARANAM BENTI BATUJUH.

SAPU DINGE NUNGGU BEDEN BELAH DAYI BELAH DILE ?

GELA PUMANGKU SUKO RAMI

SAPU DINGE NUNGGU BIDEN BELAH MUDIK ?

GELA DEPATI KUNING KUDRAT, DEPATI NGALIH BUPAYUNG ALAM PALITO MAIN HILANG DI LAMAN.

SAPU DINGE NUNGGU BIDEN BELAH TENGAH BELA DILE ?

GELA DEPATI SINGORAPI, ANAK URANG SUNGAI PENOH, PUGAWAI RAJO PUGAWAI JENANG.

SAPU DINGE NUNGGU BIDEN BELAH MUDIK ?

GELA BUJANG PARIAM PUTIH BALAM LAPA, ANAK ORANG RAWANG KOTO BARU.

SAPU DINGE NUNGGU BIDEN BELAH DAHAT BELAH DILE ?

GELA DEPATI PAYUNG MANDARO UDO, ANAK URANG PONDOK TINGGI.

SAPU DINGE NUNGGU BIDENG BELAH MUDIK?

GELA DATUK MARAJO HITAM, ANAK URANG SUNGAI LIUK, MENARUHKAN ARAH SEMBILAN BIDANG, MENARUHKAN TEBAT GEDANG SEMBILAN PANGGUNG, MENARUHKAN PELAK SEMBILAN JUMBO, MENARUHKAN KULAPO SEMBILAN BATANG, KALUNDIO MUDIK KUTANAH SULAK ALA PANDAK ALA PANJANG,

MANO DIKATO ALA PANDAK?

IYO DIDAHET SULAK GEDANG, URANG BAKUTO KUTO JELI,

MANO DIKATO ALA PANJANG?

IYO DIDAHET SULAK KECIK, URANG BAKUTO KUTO JELI.

IV.                MANOLAH UTEH DINGE BATEH KITO TIGO LUHAH PAMUNCAK TANAH MANDAPO SEMURUP DENGAN MANDAPO TANAH RAWANG?

KUDATEH BUKIT KEPAK, KUBAWAH TEMPATMNGABI ACEH, SETIO BAYO, TERUH KUMARO SEKUNGKUNG MATI, LEPEH KUMARU SUNGAI DEREH, TERUH KEBALAI BERATAP IJUK DIKOTO TUO, MENDAKI BUKIT SEPUNJUNG, TERUH KE KARAMANIO, TA TEPAT KE GUNUNG BUJANG, JALAN TERUH BETUNG BELARIK, TERJUN KEARUN DALAM, TERUH KE TELUN BERASAP, LEPEH KE LUBUK BUIH, BARATEMU RIO MUNGEMPAI, RIO MENGUNDAN, DUDUK BAJUNTAI DIATEH AKA, GELA PANGLIMO SIRAH MATO, ITU TUNGGU ULU SUNGAI TABIR.

KALU SEHINGGO ITU KIUN INGATKLAN DIO NIAN, KALU SAHINGGO ITU KUMAHIN INGATKAN KITO TIGO LURAHNPAMUNCAK TANAH MANDAPO SEMURUP.

TASIKU GUNUNG GURAPI TERUH KE GUNUNG TIRAI EMBUN, LEPEH KE BUKIT HAMPARAN KAIN, TERUH KE GUNGUNG KUDUK JAWI, LEPEH KE BATU SIKAI KAMBING, BARATEMU DINGE YANG DIPERTUAN RAJO BENSU BAJUMBAK PUTIH BAJANGGUT MERAH BATULONG ABANG, DIAM DI LEKUK SUNGAI PAGU, KALU SAHINGGO ITU KIUN INGATKAN DIO NIAN, KALU SAHINGGO ITU KUMAHIN INGATKAN KITO TIGO LUHAH PAMUNCAK TANAH MANDAPO SEMURUP.

TERJUN AUR DIPURINDU, JALAN TERUH KE BUKIT LUNCUK, BADEGUNKKE GUNUNG BUNGKUK,

KALU SAHINGGO ITU KIUN INGATKAN URANG PASIMPAN DI KOTO ENAU, KALU SAHINGGO ITU KUMAHIN INGATKAN KITO TIGO LUHAH PAMUNCAK TANAH MUNDAPO SEMURUP.

TERJUN KE MUARO TELANG, NAK MUNJELANG SUNGAI LIGUH, TARANTAK KE SAKO KECIK, BARATAMU DINGE DATUK SRI BANDA MENTI LIMO PULUH.

TATAKALO MASO AGI DULU, CABIKKAN SIRIH TEMIHKAN PINANG, ADOLAH BUET DINGE JANJI .

APOLAH BUET DINGE JANJI ?

SADU BUDAMA KUPALO TUPAI, SADU BA UNGKO LA BAKUAU, ITULAH PEGANG DIO NIAN.

MANOLAH PEGONG KITO TIGO LUHAH PAMUNCAK TANAH MANDAPO SEMURUP ?

SADU BARUNYAM KAYU KASIGI, SADU BAKAYU KAYU KEMENYAN, SADU BUKARAU ABANG PIPI, SADU BABUNGO BUNGO RAMPAI, BUNGO SETUNUN SEPELEH HARI, ITULAH PEGANG KITO TIGO LUHAH PAMUNCAK TANAH MANDAPO SEMURUP.

SAPU DINGE NUNGGU BIDEN SEBELAH DAIR BELAH DILE ?

GELA DEPATI KUNING KUDRAT, DEPATI NGALIH BAPAYUNG ALAM PALITO MAIN ILANG DILAMAN,

SAPU DINGE NUNGGU BIDEN BELAH  DIMUDIK ?

GELA DEPATI SEMURUP SIRAH MATO,

DEPATI SEMURUP NAGO NALO,

DEPATI SEMURUP TANAH NAPURO,

DEPATI SEMURUP KARA SATIO,

DEPATI SEMURUP IJUNG KARTI.

SAPU DINGE NUNGGU BIDEN BELAH TENGAH BELAH ILE ?

GELA BUJANG PARIONG PUTIH BALAM LAPA ANAK URANG RAWANG KOTO BARU.

SAPU DINGE NUNGGU BIDEN BELAH MUDIK?

GELA DEPATI PAJINAK TAP

SAPU DINGE NUNGGU BIDEN BELAH DAHAT BELAH ILE ?

GELA IJUNG PAJINAK PUTIH, BARATUMBAK SIRIJUNG PANJANG, ORANG DUDUK DIPINTU GEDANG, ORANG BAJUNTAI DIPINTU KECIK, KUDARAT BABUNGO KAYU KULEMBAK BABUNGO AIR,

BELAH ILE SIRI JUNG PANJANG, BELA MUDIK BENSU DIRAJO, BELAH TENGAH TEMPAT YADUN, KEDARAT KUAT BADEGUH, LPEH KE GUGUK BATUNGKU TIGO, TERUH KETEBAT DI LUPAK, DIMUNDAKI BATANG CIMETEH, TERUH KE BUKIT SARONG IMAU, TA TEPAT GUNUNG MANINJAU TERUH KE AIR NYUHUK.

KE LEMBAK TANAH MUNGGUK MALINTANG, LISUT AMPO PEDANG BUPIRIT, ARU DALAM PUNGGALO TINGGAN, AWAK BULEBUH TUDUNG NGAPUK, LUBUK SAKIJONG TUDUNG ANYUT, BELAH ITU BINTUNG TARETAK, TERUH KE MARO SUNGAI MANCUR, MENDAKI KE KOTO UBI, JALAN TERUH KE PADANG LALANG, TATEPAT KE GUNUNG BUJANG, JALAN TERUH BETUNG BALARIK

SEMURUP KOTAK YANG ENAM DITUNGGU DEPATI BATIGO URANG, PAMANGKU YANG BADUO, NINIK MAMAK PARAMENTI YANG SELAPAN.

MANO DIKATO KOTAK YANG ENAM?

PARATAMO DIKOTO TENGAH,

KADUO DIKOTO MUDIK,

KATIGO DIKOTO DAIR,

KAEMPAT DI KOT DATUK,

KALIMO DI KOTO CAYO,

KAENAM DI KOTO DUAR

MANO DEPATI BATIGO URANG?

PARATAMO DEPATI MUDO,

KADUO DEPATI KUPALO SEMBAH,

KATIGO DEPATI RAJO SIMPAN BUMI.

MANO PAMANGKU YANG BADUO?

PARATAMO PAMANGKU RAJO TUO,

KADUO PAMANGKU KEPALO RAJO DINGE BALIK KE MUARA SEMERAH.

MANO DIKATO NINIK MAMAK PARAMENTI YANG SELAPAN?

PARATAMO, IJUNG PATI JADI TUO,

KADUO IJUNG TUO,

KATIGO IJUNG PANJANG,

KAEMPAT, IJUNG MAMAT,

KALIMO IJUNG MANALO,

KAENAM IJUNG KECIK,

KATUJUH IJUNG PAJINAK,

KALAPAN IJUNG KARTI.

SATU DEPATI MUDO APU KAGEDONG DIO?

MEGANG KA KERAT KUDUNG, GABUNG TANAH, PANCUNG SULOM RENDAM SATI, PANCUNG AREH ANDOM KUDALAM, TEBU PANJANG KULADI BESI,

APOLAH PANGKET UMAH GEDANG DIO ?

DISITU TATARUH PISAU KULAM YANG SABILAH, DISITU TATARUH TEMBO UTAN TEMBO TANAH, DISITU TATARUH IKU KAIN KEPALO KAIN

KADUO DEPATI KEPALO SEMBAH APO KA GEDANG DIO ?

DISITU TATARUH PUKAT YANG GEDANG, DISITU TATARUH AMBANG YANG LIBA,

APO KA GEDONG UMAH GEDANG DIO ?

NAMONYO REK WARNANYO INTAN, KUM GUMALO BUMI RAJO.

KATIGO DEPATI RAJO SIMPAN BUMI,

APU KA GEDONG  DIO ?

MEGANGKAN LANTAK IDAK GUYAH, MEGANG KAIT YANG IDAK SEKAH, MEGANGKAN TALI IDAK PUTUH,

APU PANGKET UMA GEDANG DIO ?

DISITU TATARUH KUNGKUNG PADI YANG GEDANG, DISITU TATARUH TANDUK KERBAU YANG SABUAH, DISITU TATARUH CERMIN YANG AMAT TERANG, DISITU TATARUH TERAPONG YANG AMAT TERUH, MENERUPONG ANAK BUAH ANAK KEMENAKAN.

DEPATI MUDO DUO DUKUNG EMPAT ANAK, MANO DIKATO DUKUNG YANG DUO ?

PARATAMO: SUTAN DEPATI TUO

KADUO: SUTAN DEPATI KEPALO RAJO

MANO DIKATO ANAK YANG EMPAT?

PARATAMO: DATUK KAYU HITAM

KADUO: DATUK DEWO NYATO

KATIGO: DATUK MENTIN ILANG DILAMAN

KAEMPAT: DATUK PANGHULU DINGE BALIK KE SULAK MUKAI ILIR

ADO DIH MULAYU NGATO:

BUDERING MUNUTUH SIGAI,

RAMBIO DIPANJAT JANGAN ,

BIA TATILIN BUMI BASIMPAI,

KARASETIO DI ASAK JANGAN.

DUO DIH MULAYU NGATO:

KERAT DIKERAT BATANG KARTON,

SUDAH DIKERAT PANJANG TUJUH,

KUDARAT KUMINGAN KABAU,

NAK MUNITI BENDA LIMO PULUH

SUDAH DIPAKAI TIAP-TIAP LUAK,

SUDAH DIPAKAI TIAP-TIAP LARIK.

LAIN LUBUK LAIN IKAN,

LAIN PADANG LAIN BELALANG,

LAIN MANUSIO LAIN YANG DI ADATKAN

TATKALO MASO AGI DULU:

LUBUK IDAK KA KUHONG IKAN,

ANTAU IDAK KAKUHONG TAMBUN,

NEGRI IDAK KAKUHONG ADAT,

GAYUNG IDAK KAKUHONG SAMBUT.

ADO DIH MULAYU NGATO,

RAMO-RAMO SI KUMBANG JATI,

KHATIB INDAH PULONG BAKUDO,

PATAH TUMBUH HILANG BUGANTI,

NAMUN ADAT, ADAT PASKO

TETAP KITO PAKAI SEBAGAIMANO SEMULO.

DUO DIH MULAYU NGATO

ORANG MALUKIS DIBANGKA HULUM

TARIK SIBENANGMDIPAKAIAN,M

SUDAH DILUKISSSEJAK DAHULU,

TINGGALMMENGIKUTMKITOMKEMUDIAN

TIGO DIH MULAYU NGATO:

BIA KANTI MUNGALI TEBAT,

KITO MUNGALI UBI JUGO,

BIA DI BATEH HUJAN LEBAT,

KITO MENEPAT JANJI JUGO.

UNDANG-UNDANG ITU EMPAT PARAKARO:

PARATAMO: UNDANG-UNDANG LUAK

KADUO: UNDANG UNDANG NAGARI

KATIGO: UNDNG-UNDANG ORANG DALAM NAGARI

KAEMPAT: UNDANG-UNDANG YANG DUO PULUH

MANO DIKATO UNDANG LUAK?

MALINGGANG NYU IDAK TARAPAPEH,

TEGAKNYU IDAK TARASUNDAK,

YAITU RAJO PARAMATO ALAM,

SEMASO ALAM BARAPERANG

DUONUNDANG-UNDANG NAGARI:

PARATAMO ADO PARIT TARANTANG

KADUO ADO LEBUH TAPIAN

KATIGO ADO BALAI

KAEMPAT ADO MASJID

KALIMO CUKUP KEADAN DI DALAM NAGARI ITU, BARUNYU SAH NAGARI ITU.

PANGHULU JIWA NAGARI,

HULU BALANG TABING NAGARI,

ALIM ULAMA SULUH YANG AMAT TERANG, AIR YANG AMAT JERNIH, DIDALOM NAGARI ITU, BARUNYO SAH NAGARI ITU,

ADO PASAK SERTO KANCING,

ADO ULU SERTO LUAK,

ANAK KEMENAKAN KEMBANG BIAK DIALOM NEGRI,

BARU NYU SAH NAGARI ITU.

ADO BAREH SERTO PADI,

ADO MEH SERTO PERAK,

ADO KERBAU SERTO JAWI,

ADO KAMBING SERTO AYAM,

KERBAU DAN JAWI LIUK DIPADANG,

KAMBING DAN AYAM KETU DILAMAN,  

BURUNG PETUH  LINDUNG DI LANGIT,  DIDALOM NAGARI ITU,

BARUNYU SAH NAGARI ITU.

RAMAI TAPIAN DEK URANG MUDO,

ILUK NAGARI DEK URANG TUO PANUNGGU DUSUN,

KALU DIO IDUT TEMPAT BATUIK,

KALU DIO MATI TEMPAT BASUMPAH,

JUNJUNG HIDUP TAHAN PANJAT,

JUNJUNG BAH TAHAN TITI,

AYAM BAKUKUK AHI SIANG, BARUNYU SAH NAGARI ITU.

KATIGO UNDANG UNDANG DALOM NAGARI,

SALAH PAUK MEMBERI PAMPEH, SALAH BUNUH MEMBERI BANGUN, NAK BUBINI ISI ADAT ISI PASKO, NAK LAHI TUANG LAMAGO,

ADO DIH MULAYU NGATO,

KUDARAT SANDANG LAH KEMBUT, KEMBUT BERISI DINGE LETUK, KAMPIN BURISI DENGAN SERAI, SAKUPO DIDLAM PADI, KALU ADO MARATABAT UNDANG UNDANG NYUNGKUT, CUBO TATIN, CUBO KIRAI, CUBO TERAI, KALU TA TATIN, KALU TAKIRAI, KALU TATERAI,

MANO SUREH TALITI NUNJUK, KALU ADO SUREH TALITI NUNJUK, IMBAU PERBUKALO MAK KAMI BAYA.

KA EMPAT UNDANG UNDANG YANG DUO PULUH,

UNDANG UNDANG YANG DUO PULUH TERBAGI ATEH DUO BAHAGIANNYO, PARATAMO UNDANG UNDANG YANG SELAPAN,

DUO UNDANG UNDANG YANG DUO BELEH, UNDANG UNDANG YANG DUO BELEH TABAGI ATEH DUO BAGIAN, ENAM DAHULU ENAM KAMUDIAN.

MANO UNDANG UNDANG ENAM DAHULU ?

YAITU MAMBAOKAN JALAN TUDUH, TUDUH TUDUH UHANG KUMALIN, TAMPO-TAMPO UHANG KU ILONG, SEBAB ANTIN JATUH ENGGANG TERBANG, SEBAB GURUH LAYU GAJAH NEMPUH,

LAWENNYU ITU ENAM PULO,

PARATAMO BAJALAN BASA-BASAH,

DUO BAJALAN BARAGEH RAGEH,

TIGO DIBAO PIKAT,

EMPAT DIBAO LANGAU,

LIMO KENO ISIK KENO ANYANG,

ENAM ADO URANG MAO BURITO

MANO UNDANG-UNDANG ENAM KAMUDIAN ?

YAITU MEMBAOKKAN JALAN CIMO, DATANG SEORANG SARUNCINGNTANDUK, SI BENGKEH KUNING, CENDERUNG MATO URANG BANYAK, NYUJUNG NYU IDAK, NGEPIT NYU IDAK,  DUSANAK BUKAN SAUDARA BUKAN, NYU ITU ADO NEMPUH SITU, URANG ITU KEHILANGAN, HARUSNYO KENO HUKUM MENURUT ADAT YANG BIASO.

 LAWENNYU ITU ENAM PULO,

PARATAMO URANG MALIN MATI TARATEH,

KADUO MUSONG NYO DAPAT, GUNGGUNG NYU DAPAT,

TIGO TAKURUNG MATI,

EMPAT TA TANDO DIO BARAUTANG,

LIMO TABAYANG KALAMBU ALLAH,

KA ENAM TATANDO DIO TABITI.

MANO UNDANG UNDANG YANG SELAPAN?

EMPAT DI DARAT EMPAT DI AIR,

MANO UNDANG UNDANG EMPAT DIDARAT ?

PARATAMO REMBAN BATAKUK,

KADUO PUA MANYARUNGKUK,

KATIGO LALANG MANYARUMUT,

KAEMPAT, SEPAH MALAMBUN,

MASUK IBU SAMUN ITU EMPAT PARAKARO,

PARATAMO SAMUN SADUNDUM DUMAN,

DUO SAMUN SAMANTIN DUMAN,

KATIGO SAMUN SI BUJANG DUMAN,

KA EMPAT SAMUN SI GAJAH DUMAN.

MANOLAH LAH TUMBUH SAMUN SADUNDUM DUMAN ?

YAITU DIDALOM NAGARI YANG GEDANG, ANTARO JALAN PANDAK DINGE JALAN PANJANG, ANTARO SIMPANG DINGE SIMPANG, KALU SADUNDUM TEPUK DINGE PEGEH, KALU SI GAYO YAK DINGE BUIH, KALU SAKATO TUO DINGE MUDO, KALU SABUNYI BUJANG DINGE GADIH, TUO SIANU LAH MATI ANJING.

MANOLAH TUMBUH SAMUN SAMANTIN DUMAN ?

ANTARO TARATAK DINGE KUTO, ANTARO KOTO DINGE DUSUN, ANTARO DUSUN DINGE NAGERI, ANTARO NAGARI DINGE PELAK, ANTARO PELAK DINGE PANCALO, ANTARO PANCALO DINGE BANJA, ANTARO BANJA DINGE PUNGGUK, KALU TASUO UMPUT DINGE LINDUNG, DARAH TAPANCANG, LANGAU NGERENGGANG, TUO SAMUN SAMANTIN DUMAN.

MANOLAH TUMBUH SAMUN SI BUJANG DUMAN ?

ANTARO SESAP DINGE BALUKA, ANTARO MATANG PANDAK DINGE MATANG PANJANG, , ANTARO RIMBO DINGE LURAH, ANTARO LURAH DINGE BUKIT, ANTARO BUKIT DINGE PADUN, KALU TASUO DARAH TAPANCANG, LANGAU MARENGGANG, BANGKAI TASULEK, TUO SAMUN SIBUJANG DUMAN.

KALU ADO KUJU BUDARAH, PEDANG BADARAH, LAH MULEK AIR DI PAMULUH, LA KETU KATO DIMUPAKAT, LAH NUNTUNG SALAK ANJING KE LURAH, KATO SUDAH BICARO ABIH, AYAM BAKUKUK AHI SIANG, IDAK DAPAT BATINDAK AGI.

MANOLAH TUMBUH SAMUN SI GAJAH DUMAN ?

TAPAK SALULUH RIMBO BALUN, PADANG SARENTAK ABANG,  PAKU IJUNG AJO BATU BADAMAI, DISITULAH TANAH LEBIH BUBAGIH, DISITU URANG MAUK IDAK MAMPEH, DISITU URANG MUNUH IDAK MANGUN, JIKALAU PAUK BALEH DINGE PAUK, JIKALU TIKAM BALEH DINGE TIKAM, JIKALU BUNUH BALEH DINGE BUNUH, SAPU DINGE JANTAN AMBIK BALEH, SAPU BUTINO LAHI SITU.

           

MASUK IBU SAMUN DUO PARAKARO:

PARATAMO DENGKI

KADUO NAYAI

           

MANO UNDANG UNDANG EMPAT DIAIR ?

PARATAMO BAJAMBAN BAJAMBUN ARO

KADUO TAPIAN BAPAGA BASO

KATIGO PADANG BAPAGA MALU

KAEMPAT TEBING BADINGKEK DINGE UNDANG UNDANG

LAWENNYU ITU EMPAT PULO:

PARATAMO LAPANG SIPENGILEH

KADUO LAYANG-LAYANG MANYAPU BUIH

KATIGO BERUK GEDANG DIPANINJAU

KAEMPAT MUJUK MANGEMBA BATANG

           

LAWEN ITU EMPAT PULO

EMPAT ITU TINGGAN DILUAR NAGARI, EMPAT ITU JATUH MASUK NAGARI

MANO EMPAT TINGGAN LUAR NAGARI ?

PARATAMO SUJEK MULIPI AIR

KADUO GUNJING DILUAR KATO

KATIGO SESUT

KAEMPAT FITNAH

MANO DINGE EMPAT JATUH MASUK NAGARI ?

PARATMO PARIT BABINTENG DINGE PASKO

KADUO LAMAN BASAPU ADAT

KATIGO RUMAH GEDANG BASENDI BATU

KAEMPAT ADAT BASENDI HALUAN

MENDUN BALUKIS DINGE LAMAGO, AMPA PALIMPIT DINGE PASKO, BELAH TENGAH TIANG PANJANG YANG SEBATANG, KUDATEH PAYUNG KEMBANG SEKAKI, KARASETIO DENGAN SEMANGKUK, KUBAWAH LAPIK BUNTAK, PARADUN MEH, AMPA BALAPIK DINGE PASKO

ADO DIH MULAYU NGATO:

BIA TUJUH KALI TIRANGKAP PESAP, PESAP TIRANGKAP BAWAH MANSIRO, BIA TUJUH KALI BUMI TAKIRAP,  JANGAN DIASAK KARA SETIO.

KALU DIASAK KARA SETIO, LAH BAH SIKANDONG PAMPEH, LAH TI AMPA SIKANDONG BANGUN, MENCECAK MASUK, MANGKARUNG MASUK, LA ILANG LUKO BUPAMPEH, LA ILANG MATI BU BANGUN, ILANG KURIK TERENDAM BELANG, KECUT KAN PAYUNG, RUNGKEK MANGKUTO, KIKIHKAN CELAK, ANYUTKAN PIAGAM, BAKARKAN  KUBUR NINEK MOYANG.

ADO DIH MULAYU NGATO:

BURUNG PIKAU TERBANG KELANGIT, TIBO DILANGIT BACARITO, HILANG PISAU TIMBUL PUNYAIT, HILANG TUAH CILAKO TIBO.

DUO DIH MULAYU NGATO:

MENYUMPIT BURANAK TIMAH, SEKUPO DI DALOM PADI, BURUNG DISUMPIT KENO SEMAH, IKAN DITUBO BURUNG MATI.

           

TIGO DIH MULAYU NGATO:

TELUK KATI TUPANG DIMUNUPANG, TATUPANG BAWAH MANSIRO, BERUK BABINI SIMPAI BARUTANG, KERO TARENDAM KARUMAH RAJO.

PASAL ITU UMPAMO PINTU, BAB ITU UMPAMO JALAN, KALU BUJALAN MENUJU LURUS, KALU BUKATO MANUJU BENA, KALU MANEBANG MANUJU BANGKA, KALU MALANTING MANUJU TAMPUK, KALU MANEMBAK MANUJU ALAMAT

ADO DIH ULAYU NGATO:

KALU GAJAH TAGUSONG DURUNG, PATAH GADING YANG BATUAH, KALU HARIMAU TAGOSONG LOMPAT, HILANG BELANG DINGE NYATO, KALU TAPIJAK DIARANG HITAM TAPAK, TAPALIT DIKAPU PUTIH TUNJUK, KALU TIBO DIPAPAN JANGAN BURENTAK, KALU TIBO DIDURI JANGAN SANGINJEK, KALU TIBO DIPERUT JANGAN DIKEMPIH, KALU TIBO DIMATO JANGAN DIPICINGKAN, KALU BUKATO JANGAN MUNGULUNG LIDAH, KALU BAJALAN JANGAN MURENJEN KAKI, SALAH KATO ADAT BATAL KATO SERAK, IDAK BETUL KATO ICO PAKAI.

MASUK UNDANG BESI EMPAT PARAKARO:

PARATAMO, KALU PATAH DITITUT,

KA DUO KALU BURUK DI SILIH,

KATIGO KALU HILANG DICARI,

KA EMPAT KALU SUMBING DITIMPE

ADO DIH MULAYU NGATO:

DIMANO TEMILANG DICACAK DISITU TELEMAN TUMBUH, MANO BUMI DIANYAH DISITU LANGIT DIJUNJUNG, MANO NAGARI DITUNGGU DISITU ADAT DIHUNI.

APO KATO ADAT YANG EMPAT BALIK KE ALAM KERINCI ?

KALU SESAT SURUT, KALU TILANGKAH KEMBALI, KALU KUFUR TAUBAT, KALU GAWA MENYEMBAH, KALU TITIN TIPASANG DITITI, KALU JALAN DIRAMBAH DITURUT, KALU BAJU DIJAHIT DIPAKAI, KALU DITANAM TUMBUH, KALU DIIDUT BIAK, KALU KESAT DISEPELEH, KALU BUNGKUK DITARAH, KALU KERAYAT DIABISI,

ADO DIH MULAYU NGATO:

BUNGO CEMPAKO KEMBANG SITANGKAI, KEMBANGNYO  MAJU KEMUKO, KALU PANDAI MUNETI AKA, SAMPAI LAYU KEPUCUKNYO, BASABUNG KILAT CERMIN KE MUKO, KALU IDAK PANDAI MUNETI AKA, MANYERIBU KE USUKNYO, BASILANG TUNJUK KE BIBI.

AGI ARANG AGI BATIMPO, AGI SULUH AGI BAJALAN.

CEDIK ITU EMPAT PARAKARO:

PARATAMO CEDIK UBI,

KA DUO CEDIK KACANG,

KA TIGO CEDIK USO,

KA EMPAT CEDIK KANGKUNG

LAWENNYU ITU EMPAT PULO:

PARATAMAO CEDIK KUCING,

KADUO CEDIK MINTEH,

KATIGO CEDIK PELTUT,

KA EMPAT CEDIK NGAIH KE PUNGGUNG KE HADAPAN

LAWENNYU ITU EMPAT PULO

PARATAMO BIDIK

KADUO BISIK

KATIGO CEDIK

KA EMPAT SIDIK.

ADO DIH MULAYU NGATO:

KALU UTAN LA PANJANG AMAT INGAT DILILIT PARUH BULUH, KALU AKAL LA PANJANG AMAT INGAT DILILIT BATANG TUBUH.

DUO DIH MULAYU NGATO:

NAK MUDIK KUTALANG TEROK, BANYAK SINAWAN DITEMPAT NINEK, KALU CEDIK MULAMPU PUCUK KEPALOK, BANYAK TAJUAN HARTO NINEK.

TIGO DIH MULAYU NGATO:

JANGAN JANGAN BUDALOM LUBUK BAGEDONG IKAN, ANTAN TASINTUH BEREH TABAYAK, AYAM JUGO DINGE KENYANG MAKAN.

INGATKAN KATO YANG DUO, WAJAH YANG EMPAT,

MANO TU KATO YANG DUO  ?

PARATAMO BETUL DALAM ADAT

KADUO BETUL DIDALAM SERAK

MANO DIKATO WAJAH YANG EMPAT

1.                   REK

2.                   PADEK

3.                   BATUNGGUN

4.                   IDAK BAKUCAK,

ADO DIH MULAYU NGATO

JANGAN JANGAN BAUMO DILERENG BUKIT, PADI MUREMBANG SAHINGGO PINGGANG, JANGAN JANGAN SAUMPAMO BURUNG PIPIT, MANO HINGGAP DIGEMPA UHANG.

ADO DIH MULAYU NGATO:

KALU ILE SIRENTAK SATANG, KALU MUDIK SERENGKUH DAYUNG, KALU TERBANG BAKAWAN, KALU HINGGAP BAPULUN.

JALAK LANG JALAK GUMALANG, AYAM KULABU PANJANG TALI, NYU MENGERAM SUDAH TUAI, NYU BAKUTIK DILUAR SANGKAK, NYU BATELU SABIJI IDAK, NYU MANGEREMBAG MENGULUKAN PATUK, NYU MALEPU SAMI NGAOK, LUN DISABUNG NYU LAH KALAH, LUM DISIRAM NYU LA KENO.

ADO DIH MULAYU NGATO

JANGAN JANGAN TAKILANG TEBU BAULEK, RUSAK GULO, KALU TASGU DI ENAU TUO, BALATAK UYUNG KE MATO, KALU TA EMBU SALUNG BABUKU, PENUH ABU MASUK MATO, MIRAH MUKO PADAT DADO, ITU TANDO UHANG KABI SEKO.

TATKALO MASO AGI DULU, TUEN ANGKU BAKUDO IRANG, RAJO MUDO BAKUDO  ORANG, DIATEH  BUKIT PANINJAU LAUT,  LIK BALAI BARATAP IJUK, TAKALO MOTONG KERBAU TENGAH DUO, TANDUK DITANAM DARAH DIKACAU, DAGING DI MAKAN,  RASIO DISUMPAHKAN, LAH MULEK AIR DIPAMULUH, LAK GETU KATO DIMUPAKAT, KATO TASERAH KAN URANG SURANG, HUKUM JATUH PATIHAH DIBACO, DU’A DITAMPUNG, ADO BUET DINGE JANJI.

MANO PEGANG KITO TIGO LUHAH PAMUNCAK TANAH MUNDAPO SEMURUP ?

MEGANGKAN GUNUNG YANG MAMUNCAK, MEGANGKAN PARUH YANG AMAT TEDUH, MEGANGKAN PADANG YANG AMAT UJO, MEGANGKAN RENAH YANG AMAT LUEH,

MANOLAH PEGANG YANG BATUAN ?

MEMEGANGKAN LAUT YANG BALEBUH, MEGANGKAN OMBAK YANG TIGO LIDI, SEHINGGO GUO KALAM  SABELAH, SEHINGGO SERENTAK AIR HITAM, SEHINGGO SEKILAN AIR BANGI, SEHINGGO PATIKU PIAMAN KIUN, SAHINGGO SAPISAU LA PISAU ANYUT, SEHINGGO KUBU PUTI SARENDAM DEWI, SEHINGGO AU TEMBO NEGRI, LEPEH KETANJUNG PULAU KERSIK.

KALU TERJUN ANAK BUAH DEPATI 4 DENGAN SALAPAN HELAI KAIN, KE LAUT YANG BELEBUH, KE UMBAK YANG TIGO LIDI, KALU KARAM MINTAK DISELAM, KALAU TATIMBUN MINTAK DIGALI, KALUNYU KA GUNUNG MINTAK DISIGAI, KALU KA LANGIT MINTAK DIASAP,

KALUNYU NAIK ANAK BUAH  YANG BATUAN KE ALAM KERINCI INI, KALUNYU ANYUT MINTAK DIPINTEH, KALUNYU JATUH MINTAK DISAMBUT, KALUNYU BAH MINTAK DIBANGKIT, KALUNYU CUNDUNG MINTAK DITUNGKAT, KALUNYU LUKO MINTAK DIPAMPEH, KALUNYU MATI MINTAK DIBANGUN, KALU NAK BUBINI ISI ADAT ISI PASKO, NAK LARI TUANG LAMAGO, ITULAH BUAT DINGE JANJI, TATKALO MASO AGI DULU, BEKU DI DALAM KARASATIO, HAK MILIK ICO PAKAI.

MANO DIKATO HAK ?

YAITU ANAK DARI PADO KITO,

ADO DIH MULAYU NGATO:

TINGGI TINGGI KALAPO MEH, NYU BABAUAH SAMI BABUNGO, BIA SAPETI MUNAHUH MEH, IDAK UNTUK ANAK CUCU APO GUNONYO.

MANO DIKATOKAN HARTO ?

YAITU BARANG BARANG KITO CUKUP LENGKAP SAGALONYO.

MANO DIKATO MILIK ?

YAITU:

1.      DAPAT DARI TAMILONG BESI

2.      DAPAT DARI TAMILONG MEH

3.      DAPAT DARI TAMILONG PIRAK

MANO DIKATO DARI TAMILONG BESI ?

TANJUNG TINGGI DITUMBAK, DINGE DALAM DITIMBUN, PIRING DILEPAH PEMATANG DIKENCONG.

MANO DIKATO ICO ?

YAITU LIHAT GOLONGAN URANG DULU, CENCANG LETIH NINEK MOYANG KITO, DI ICO SAMO DI ICO SAMO DIPAKAI.

MANO DIKATOKAN PAKAI ?

YAITU HARTO DAPATAN, TASUO DIUMAH UMAH DITUNGGU, TASUO DILABO LABO DITERIMO, TASUO DIUTANG UTANG DIBAYA, TASUO DITERNAK TERNAK DIPELARO.

KALU KUDATEH TUNJUK KU INI, AKU MUNGENTIK KATO YANG BAUNDANG, KALU KAKANAN AKU MENGIRI KATO YANG TALITI, KALU TABILOK KAKIRI TABILOK MENJADI UKIR, KALU MAJU KAMUKO TABENTANG MUNJADI BARIH, AKU TEGAK DALAM YANG BAUNDANG, AKU MAHAT DALAM YANG BASIFAT, BARUNYU BENA MENURUT ADAT,  BARUNYU SAH MENURUT SERAK, BARUNYU BETUL MENURUT ICO PAKAI.

KAYU SEJARAK DISUMATERA, TUMBUH DILAWONG PARAMATULLAH, NYU BAPUCUK KA UNDANG-UNDANG, NYU BABATANG KA BATANG PASKO, NYU BUBANGKA KE LAMAGO JATI, RAK LAMAGO DIBUMI APO KATONYO ?

UNDANG UNDANG BARAPUCUK BULAT, NYU BADAHAN KATALITI, NYU BARANTING KA SEMAT  YANG DUO PULUH, NYU BADAUN KUTUBAH DA’WAH

ADOPUN DAWAH SABLIT ALAM, ADOPUN JAWAB SADINDIN ALAM, KALU NYU JATUH DAUN KA LANGIT YANG SANGAT TINGGI, MENJADI SUREH TABUNG PASUMPA DI AWANG AWANG.

KALU JATUH DAUN KE GUNUNG YANG MAMUNCAK, MENJADI UNDANG UNDANG BARAPUCUK BULAT.

KALU JATUH  DAUN KE LAUT YANG SANGAT LUAS, MUNAJDI TALITI BARAJILO PANJANG

KALU JATUH DAUN KALURAH YANG AMAT DALAM, MENJADI LANTAK YANG IDAK GUYAH, MUNJADI TALI YANG IDAK PUTUH, MUNJADI KAIT YANG IDAK SEKAH, MUNJADI CERMIN YANG AMAT TERANG, MENJADI TEROPONG YANG AMAT TERUH.

KALU JATUH DAUN KE PADANG YANG AMAT UJO, MUNJADI LANTAK- LANTAK PASKO, TAILO TALI BATUAH, LANTAK DITUKUN, MATANG DIKENCANG, PIRING DILEPAH, TANJUNG TINGGI DITUMBAK, DINGE DALAM DITIMBUN, NYU MUNJADI HARTO MILIK, TETAPI KALU PADI SUDAH DIMAKAN USONG DITARUH TURUN TEMURUN, GILE BAGILE, SEJAK DAHULU SAMPAI SEKARANG, NYU MUNJADI HARTO PASKO, PASKO KUBATANG TUO LAMAGO BAUREK JATI.

ADOPUN DUDUK ADAT IDAK PAMALU,

ADOPUN DUDUK SERAK IDAK BABASO,

ADOPUN DUDUK BATANG PASKO IDAK MUMANDANG,

ADOPUN DUDUK YANG BAUNDANG IDAK PARAGU.

KATO ITU 4 PARAKARO:

1.                  KATO RAJO KATO MALIMPAH

2.                  KATO DEPATI KATO MEMETI

3.                  KATO PENGHULU KATO MANYUSUN

4.                  KATO NINIK MAMAK KATO MUNYELESAI

LAWENYU ITU EMPAT PULO

1.      KATO ULU BALANG KATO MUNDAREH

2.      KATO URANG BANYAK KATO MEMECAH

3.      KATO PEREMPUAN KATO MERENDAH

4.      KATO TAGANAI KATO MENYELESAI

UTONG KATO SAMO DIJAWAB, UTONG MEH SAMO DITINDIH,

ADO DIH MULAYU NGATO:

KUDARAT KUAP BULEGUH,

MUNDAKI BATANG RAPUDIN,

KERAT DIKERAT BATANG KU SAKAI,

DINGE BERAT SAMO DIPKUL

DINGE RINGAN SAMO DIJINJING,

BARU NAGARI AMAN SELESAI.

TATUMBUK BIDUK DIKELOKKAN,

TATUMBUK KATO DIPIKIRI

ADO HADIS NABI MUNGATOKAN

“ALFIKRU SIRAJUL QHALBI “

BARAMULO ULU FIKIR ITU PALITO HATI,

ULU TENANG ADIL BICARO,

GEDONG HATI LAUT ILMU,

GEDONG AKAL LAUT FIKIR,

LUBUK ADAT PENDOM PASKO,

LUBUK BUDI TAPIAN BASO,

LUBUK MEH PASASUNAN KAWAN.

MANO IBU UNDANG YANG SELAPAN ?

1.      SUMBANG

2.      SALAH

3.      TIKAM

4.      BUNUH

5.      CURI MALIN

6.      UPEH RACUN

7.      UBUK PUKAU

8.      SIUR BAKAR

1.      SUMBANG - SUMBANG

           LAWENNYU ITU ANTAM TERJANG,

ADODIH MULAYU NGATO,

BUKEBUN BULADONG BAYAM,

BURAKIT ILE SEMURUP,

KALU TRJUN SAMO TERJANG,

PALANG BASAKIT MANGINTO SUHUT,

KAMI DUDUK DI RUMAH TANGGU KAMI, KAMI DUDUK DINGE ANAK BINI KAMI, KAMI DUDUK DINGE BUSENANG HATI, KAMI DUDUK DINGE PAMBAK, KALU KAMI TEGAK TEGAK DINGE GAWE, BARUTANG IDAK PIUTANG IDAK, KALU ADO SAMO KAMI MAKAN, KALU IDAK NYADO SAMO KAMI CARI, SEKARANG DATANG SIANU ITU MELAKUKAN DEGAH DENGAN DEGUN, MENGERIK MENGENCANG LENGAN, MUMAKI SAME NGAMBUN, MENGENCIS SAMI MUNGANJING, MUNGUTUK SAMI MUNYITAN, MUNGENDEK SAME MUNGAMPANG, APOKAH SALAH APO IDAK SALAH, APOKAH LAHONG APOAKAH  IDAK LAHONG, KALU IDAK BURISI SALAH, DISINI MEH MINTAK DITINDIH, DISINI MEH MINTA BATINDIK, KALU IDAK BARISI LAHONG, SEBAB SI ANU MUNCABUT SANJATO TAJAM, PEDANG TALANJANG, SERTO MEMBESARKAN MATO, IDAK JUGO BERISI LAHONG ?

CUBO TATIN CUBO KIRAI, CUBO TERAI, KALU TATATIN, KALU TAKIRAI, KALU TATERAI,

IDAK JUGO BURISI LAHONG ?

DISINI MEH MINTAK DITINDIH, BIA NAN BATAMPIN, SALAH NAK BABALIEK, BENA NAN BAJINGOK, TETAPI MENYELUMPAT MENYELUMPUT, MENYELUMPO DAHAN, BARU NYU BENA MENURUT ADAT, BARUNYU SAH MENURUT SERAK, BARU NYO BETUL MENURUT ICO PAKAI.

2.      SALAH-SALAH

          LAWENNYO ITU ILO UNJUN,

ADO DIH MULAYU NGATO

JANGEN JANGEN CABUH DIPAKAI, ADIL DIBUANG, SIO SIO UTANG TUMBUH, KURANG ASIN NAGARI ALAH,

KALU LELOK KUMALIN,

KALU LUPO KATINGGEN,

KALU TALUCI TINGGAN,

KALU TAPIJAK LULUH,

KALU TAMAKAN ABIH

SUDAH LAH UNTUNG KAYU INI JARUM,

TACEMPUNG KUDALOM LAUT,

MEH SACINCIN PULANG MANDI,

TEBU SATUNTUNG DI RAM GAJAH,

MEH ITU BALIK KUPADO ASAL,

UNTUNG MEH BALIK KE TANJUNG,

IDAK DAPAT DICINTO LAGI

ADO DIH MULAYU NGATO

ARANG ABIH BESI BINASA,

ORANG DINGE MUPUT PAYAH BAE

3. TIKAM TIKAM

      LAWENNYU MALIN BUDI

ADO DIH MULAYU NGATO

JANGAN JANGAN KE TELUK MENYUSUT ANTAU,

KUBAWAH MUMECAH TIMBO,

NAK NYUSUT ANTAU NAK NGAHU LUBUK.

TARASO CEDIK NAK MUANG KAWAN,

TARASO GEPUK NAK MUANG LEMAK,

TARASO TINGGI NAK MENYELIMPO,

TARASO GDANG NAK MUNINDIH.

ADO DIH MULAYU NGATO:

TANAH KAMPUNG MELI KULAPO,

ORANG MUNEBAT DALAM JERAMI,

PECAH KAMPUNG BEDUT GARAO,

DENGAN SEBAB PEKARO INI.

DUO DIH MULAYU NGATO:

PADI PULUT MASAK SIRANGKAI,

PADI ANAK URANG INDRO PURO,

DENGAN KUSUT IDAK SELESAI,

UJUNG PANGKAN IDAK BASUO.

TIGO DIH MULAYU NGATO:

ILUK PABRIK URANG MARU SAKAI,

AIR MENCURUH DI INDRO PURO,

CEDIK PERIT JANGAN DIPAKAI,

AWAK DIMAKAN KARASATIO,

LAMO HIDUP BADAN SANSARO,

ISUK JADI UNGGUN API NARAKO.

EMPAT DIH MULAYU NGATO:

GUNUNG HIANG GUNUNG CIMPAKO ,

AIR HITAM CUCUR TAMANSI,

PADU DI TIKAM DINGE KATO,

ILUK DITIKAM DINGE BESI

LIMO DIH MULAYU NGATO:

SUNGI PENUH MUNANAM TIMUN,

NGANDUN MUNGILANG KE PONDOK TINGGI,

TIKAM SERIBU IDAK MUNUH,

TIKAM SELIANG IDAK MUMAO MATI.

4.      BUNUH BUNUH

         LAWENNYU ITU MENYURUKKAN BUDI,

ADO DIH MULAYU NGATO

JANGAN JANGAN BIDUK BURUK MANYUEN DIRI,

JANGAN MENGANYUTKAN BATANG NGEBATKAN  PINGGANG

JANGAN MUNYANGKUT BUWUK DI LIYE,

JANGAN MUNYAMBUT BELIUNG JATUH,

JANGAN MUNGGANGGU PEDANG JATUH,

UWE UWE MINTAK GETAH,

SEMUBUT MINTAK HUTANG,

JANGAN MBUK DIPANCUNG PEDANG DINGE HILANG,

JANGAN MBUK DIJUEN MEH DINGE ABIH,

AWAK KENO LULUK KANDANG KERBAU TINGGAN,

AWAK KENO GETAH KAYU ARO MATI,

JANGAN MAKEN KUWAH ENGGANG AGI TERBANG,

SALAH KATO ADAT SALAH KATO SERAK,

IDAK BETUL KATO ICO PAKAI.

5.      CURI-CURI MALIN

          LAWENNYU ITU KICUH KICIR,

ADO DIH MULAYU NGATO:

JANGEN-JANGEN MUNYUWUK KANTI SELIRIT,

JANGAN MUNGANJAK KANTI SAJALAN,

JANGAN MUNGUNTIN KAIN DALAM LIPATAN,

SEMAK SEMAK DIANGKUT,

IMBUN IMBUN DITUTUH,

SEKALI AYI DALAM SEKALI TERANJAK PULAU,

SEKALI KE MEH SEKALI KE BUNGKAN,

SALAH KATO ADAT,

SALAH KATO SERAK,

IDAK BETUL KATO ICO PAKAI.

6.      UPEH RACUN UPEH RACUN

          LAWENNYU ITU KECU PANDAN,

ADO DIH MULAYU NGATO,

SEMABAT TERBANG BAKAWAN,

GIRING GIRING DALAM BUKU BULUH,

BANYAK SAHABAT JADI LAWAN,

KANTI SALIRIT MENJADI MUSUH,

JANGAN MUNGEPING BUMBUN MUNGUNJANG LABING,

JANGAN MASANG ANJAU DI MENDUN,

AWAK GEDANG BULAKU KECIK,

SALAH KATO ADAT,

BATAL KATO SERAK,

IDAK BETUL KATO ICO PAKAI.

7.      UBUK PUKAU UBUK PUKAU

         LAWENNYU ITU MENYURUKKAN AKAL, :

ADO DIH MULAYU NGATO,

JANGAN JANGAN MASANG JERAT PECAWET UNUH,,

TITIN GALE DALAM NEGRI,

GUNG GEDANG DUO SAGAYO,

JANGAN MUNGALIH KAIN KABELAKANG,

JANGAN MUNGANJAK KATO DIHADAPAN,

AWAK GEDANG BULAKU KECIK,

SALAH KATO ADAT,

SALAH KATO SERAK,

IDAK BETUL KATO ICO PAKAI.

8.      SUIR BAKAR SIUR BAKAR

          LAWENNYU ITU MULANGKAHKAN AKAL,

ADO DIH MULAYU NGATO,

JANGAN JANGAN MUNYERAH SAMI MUNGHUKUM,

SERAH DI URANG HUKUM DI AWAK,

AYAM BUKUJO DI PEGANG IKU,

AYAM BUAMBU TALI DIPIJAK,

JANGAN MURONTAK DALAM MEH TALETAK,

JANGAN MURENGGUT DALAM MEH,

ULU ULU DITARIK ,BENTANG BENTANG DI IBAT,

SALAH KATO ADAT,

BATAL KATO SERAK,

IDAK BETUL KATO ICO PAKAI.

************************************************************************

           

DAULI DAULAT YANG BATUAN DIPAGARUYUNG, NYU TALETAK ANJUNG MANINJAU, PANJANG NYU 44, MUKU NYU NGADAP SEBELAH DARAT

YO PUN YO WAKTU ITU, TAGANTUNG NYU IDAK BARATALI, TEGAK NYU IDAK BATIANG, NYU BATIANG TEREH JELATANG, NYU BASENDI KE GADING GAJAH TUNGGAL,

YO PUN YO WAKTU ITU DINGE BALIUKAN DAUN GANDO, DINGE BALIDAHKAN DAUN LALANG, NYU BATAMBUNKAN PULUN-PULUN, PENUTUP NYO JANGAN SAMO SAMO

YO PUN YO DIWAKTU ITU, KALU DIKUTIK SEBELAH BARAT, GURUHNYU SAMPAI SEBELAH TIMUR,  KALU DIKUTIK SEBELAH UTARA, ALUNNYU SAMPAI SEBELAH SELATAN,

YO PUN YO DIWAKTU ITU, BUNYI NYU TINGGI NYU RENDAH, BUNYI NYU RENDAH NYU TINGGI, NENGA BUNYI LAH TABUH TADI, BANGKIT RINGEK RENYONG HATI, BANGKIT GAYU MAYANG HATI, NENGA BUNYI TABUH TADI, BUNYI GENTO KUDO SAMBRANI, DISITU DIAMBIK TIRU TUREH DAN TAULADAN, SEJAK DAHULU SAMPAI SEKARANG BEKU DIDALAM KARASATIO

           

TATKALO MASO AGI DULU, GAYO TIGO BUMI KIAMAT, TUEN SYEH DATANG DARI MEKAH, TUEN SUREH DATANG DARI MADINAH,

PITI SEKEPING DIPATIGO

SEPETI JATUH KE BENDA RUHUM

SEPETI JATUH KE BENDA DEPAN

SEPETI JATUH KE ALAM KURINCI INI

SEKEPING JATUH LA PIAWANG MINANG KABAU

           

DINGE JATUH KE ALAM KERINCI NYU MENJADI MEH SA MEH, JADI PAKAI JADI PEDOMAN DEPATI 4 DENGAN SELAPAN HELAI KAIN

KALUNYU BURUK DISUCI,

KALUNYU KUMUH DISESAH

KALUNYU TARAJUN DIPUNAIK

DISITU DIAMBIK CONTOH DAN TAULADAN, BATAKAH NAIK BAJENJANG TURUN,

DISITU DI ANGGUNG IDAK MATI

DISITU DIASAK IDAK LAYU,

DISITU DIRENDAM IDAK BASAH,

DISITU DIAMPAI IDAK KERING,

DISITU TABAKAR IDAK HANGUS,

DISITU BESI TAHAN TEMPO,

DISITU MEH TAHAN UJI,

DISITU PIRAK TAHAN TINTIN,

DISITU KAJI TAHAN SIMAK,

DISITU ADAT TAHAN BANDING,

BARU NYU BENA MENURUT ADAT, BARU NYU SAH MENURUT SERAK, BARU NYU BETUL MENURUT ICO PAKAI

           

TAKALO MASO AGI DULU,

DIMENUNG DULU BARU BICARO,

DIGIMANG DULU BARU DILANTING,

DIAGAK DULU BARU DIAGIH,

DIPIKIR DULU BARU DIPERBUAT,

ATEH PARMEN TUMBUH PASKO, ATEH TUMBUH LAMAGO, ATEH TUANG KALU LAMAGO DINGE TUANG, NYU ALAH SEKO DIBUET JANJI, ATEH SAMO MBUK, ADOPUN ADAT PEDOMAN KEPADO ICO PAKAI, ICO PAKI PEDOMAN KEPADO KABILAT ADAT, KABILAT ADAT BAGANTUNG KEPADO KADUDUKAN ADAT

            TATKALO MASO AGI DULU, DEPATI 4 SELAPAN HELAI KAIN DINGE ANAK URANG PASA 4 BALAI, ORANG ITU NAK BAPADUN PADAN,  ORANGMNAK NGEBAH SAMUN SAKAI, LAH BAH SISAMUN SAKAI, BAH LAH GEDUNG DIPULAU CINGKUK MATI PASA DI SALIDO.

      TATKALO BULANDO AGI BUDOH, CINO AGI INTONG, PADANG ITU LUN BUGELA PADANG, AGI BUGELA PADONG LAGUNDI BARU, TACACAK SARAJO YANG DUO BELEH, BARUNYU RAMAI KOTA PADANG, BARUNYU AMAN TANAH KURINCI, TEMPAT PENCARIAN ANAK URANG PASA 4 BALAI,

MANO DIKATO ANAK URANG PASA 4 BALAI ?

1.      TUEN GEDANG DIBATIPUH

2.      DATUK MENTARO DISUNGAI TARAP

3.      DATUKNMANGKUDUM DI SUMANIK

4.      DATUK ARMON DI SUASO

ORANG ITU NAK BACURAH HUKUM

PARATAMO TUEN GEDANG DI BATIPUH, BARULAH DIO BACURAH HUKUM

EMPAT HUKUM DI CURAHKAN:

1. HUKUM ZINAH

2. HUKUMNBAINAH.

3. HUKUM KARANAH;

4. HUKUM SAKSI

    DAN KA DUO DATUK MENTARO DI SUNGAI TERAP, BARULAH DIO BACURAH HUKUM.

EMPAT HUKUM DICURAHKAN

1.    HUKUM AKAL

2.    HUKUM NIH AKAL

3.    HUKUM ILMU

4.    HUKUM IJTIHAT

DAN KA TIGO DATUK MANGKUDUM DI SUMANIK, BARU LAH DIO BACURAH HUKUM:

YAITU SEPERTI AYAM PUTIH TERBANG SIANG, HINGGGAP DIKAYU PANGKAN DAHAN, KAYU ITU PARADUAN BUAH, NYU BASULUH KE MATOHARI, NYU BAGALANGGANG KA MATO ORANG BANYAK

            APAKAH PUTIH APAKAH HITAM, APAKAH BENAR APAKAH SALAH, APAKAH SALAH APAKAH BENA, TILIK LURUS- LURUS, PANDANG BENA-BENA, TIMBANG BETUL-BETUL,  HUKUM SAADIL ADIL, MAK NYU BENA MENURUT ADAT, MAK NYO SAH MENURUT SERAK, MAK NYO BETUL MENURUT ICO PAKAI

DAN KE EMPAT DATUK ORMON DI SUASO, BARU DIO BACURAH HUKUM, YAITU SEPERTI AYAM HITAM TERABNG MALAM, HINGGAP DI KAYU UJUNG DAHAN, KAYU ITU IDAK BUCABANG, NYU BUTALI KA ICO PAKAI,  NYU BASULUH KE TERONG BULAN, TERANG BINTANG, APOKAH HITAM APOKAH PUTIH, APOKAH PUTIH APOKAH HITAM, APOKAH SALAH APOKAH BENA, APOKAH BENA APOKAH SALAH, TILIK LURUS LURUS PANDANG BENA BENA, TIMBANG BETUL BETUL, HUKUM SEADIL ADIL, MAK NYU BETUL MENURUT ICO PAKAI, MAK NYU SAH MENURUT SERAK, MAK NYU BENA MENURUT ADAT

MANO DIKATO PETATAH PETITIH HUKUM ADAT ALAM KERINCI, ?

YAITU SEPERTI MUNUMBUK DALOM LESUNG TINGGI,

MANO MALIMBAK MANO DISAPU,

MANO TALUCI MUNJADI BEREH,

MANO DINGE AMPO MELAYANG,

MANO DINGE BERNIH DISIMPAN,

PARTAMO SEPERTI MUNARIK AMBUT DALAM TEPUNG,

INGATKAN AMBUT JANGAN PUTUH

PELAROKAN TEPUNG JANGAN TIBAYAK,

BELUM JUGO SIBENA HUKUM

DAN KEDUO SEPERTI SEMUT MENITI ANTIN,

ANTIN DITITI IDAK PATAH,

SEMUT DINGE NITI IDAK JATUH,

BELUM JUGO SIBENA HUKUM,

DAN KETIGO SEPERTI SEMUT MAKAN BUAH ARO,

BUAH ARO DIMAKAN IDAK ABIH,

SEMUT DINGE MAKAN IDAK MATI,

BELUM JUGO SIBENA HUKUM

DAN KEEMPAT, SEPERTI MEMALU ULA DALAM BENEH,

ULA DIPALU SUPAYO MATI,

INGATKAN BENEH JANGAN BULUBANG,

INGAT PUMALU JANGAN PATAH,

ORANG YG MALU JANGAN RUSAK,

BELUM JUGO SIBENA HUKUM

DAN KA LIMO SEPERTI HUKUM TUEN KADI DI PADANG GENTING,

KIAN TAU KIAN BATUIK,

KIAN PANDAI KIAN BULAJA,

KALU MANDI AMBIK DIDILE,

KALU BUKATOAMBIK DIBAWAH,

KALU MAKAN AMBIK KUDIAN,

BELUM JUGO SIBENA HUKUM  ADAT ALAM KERINCI.

DAN KEENAM SEPERTI, HUKUM PADI,

KIAN BURISI KIAN TUNDUK,

KIAN BURENIH KIAN BUSUSUN,

BELUM JUGO SIBENA HUKUM,

DAN KETUJUH SEPERTI HUKUM GANDUM,

KIAN BURISI KIAN BUSATU,

KIAN BURENEH KIAN PATUH,

ITU DIKATO HUKUM SIBENA ADAT ALAM KERINCI

MANO CEDIK UNTUK JADI PAKAI:

1.                   SIBENA CEDIK,

PANDAI BAKACITAK DALAM AIR,

PANDAI BAKACIMPUH SAMI MANDI

2.                   CEDIK CINDIKIO,

PANDAI BUJALAN DALOM TANAH, 

PANDAI BUKATO DALAM AIR

3.                CEDIK BIONG PARI

  PANDAI MENGETAM KAYU TEGAK,

  PANDAI MADU SAMI MEJAM

3.                     CEDIK BIJAKSANO,

PANDAI BUSIUNG SAMI NGANGO,

PANDAI MUNANGKAP BAYANG BAYANG,

PANDAI MUNERIMO KATO SUDAH,

DISITU SAYAK YANG AMAT LANDAI,

DISITU AYI YANG AMAT JERNIH,

DISITU IKAN MUNANGKAP PUKUL,

DISITU MANUSIO MUNANGKAP KIYEH,

BARUNYU BENA MENURUT ADAT,

BARUNYU SAH MENURUT SERAK,

BARUNYU BETUL MENURUT ICO PAKAI

INGAT ITU 4 PARAKARO

1.      INGAT KEPADO ALLAH

2.      INGAT KUPADO NABI

3.      INGAT KUPADO IBU BAPAK

4.      INGAT KUPADO GURU RAJO  

  

INGAT –INGAT, ATEH ATEH,

JANGAN NAK KICUH JANGAN NAK PERIT,

KUDATEH BATU AMPA,

KUBAWAH PEDANG TAJAM,

TENGAH-TENGAH JARUM KUMBANG,

KALU KITO KICUH KALAU KITO PERIT,

KUDATEH IDAK BAPUCUK,

KUBAWAH IDAK BAUREK,

KITO DIMAKAN KARA SATIO

PADO MALAM INI SIRIH KAMI ENDAM PINANG KAMI ENDAM, HANCUR LULUH DINGE PUNGEBAT, KAMI TEKUN KUPALO YANG SATU, KAMI TUNAH JARI YANG SAPULUH, KEPADO ALLAH KAMI MINTAK TUBAT, KUPADO NABI KAMI MINTA SAFAAT, KEPADO IBU BAPAK KAMI MINTA AMPUN, KEPADO GURU KAMI MINTA MAAF.

TAMAT

PEMBAGIAN MEH

1.      MEH SEPETAI YAITU, MEH ANAK JANTAN, YAITU MEH YANG IDAK TETAP

2.      MEH SAKUNDI YAITU, MEH NINIK MAMAK, YAITU SETENGAH DARI MEH SA MEH

3.      MEH SA MEH YAITU, MEH DEPATI

4.      MEH PANUO KATO YAITU, MEH TIDAK TETAP

5.      MEH LIMO KUPANG YATIU, MEH SERAK

PEMBAGIAN RAMBANG

1.      SUMBING BIBIR YAITU, 4 KAYU KAIN

2.      BELANG TALINGO YAITU, 4 KAYU KAIN

3.      SUMBING HIDUNG YIATU, 4 KAYU KAIN

4.      PECAH MATO YAITU, 8 KAYU KAIN ( IBU SAGALO RAMBANG )

PEMBAGIAN BANGUN

1.      ORANG DEWASA LAKI LAKI 24 KAYU KAIN

2.      ORANG DEWASA PEREMPUAN 48 KAYU KAIN

3.      PEREMPUAN HAMIL 54 KAYU KAIN

4.      ANAK KECIL LAKI-LAKI 12 KAYU KAIN

5.      ANAK KECIL PEREMPUAN 24 KAYU KAIN

6.      BANGUN LIPAN SAKIT SETENGAH DARI YANG TERTENTU

                        PEMBAGIAN LUKO

1.       GETEH, JANGAT, BUKUAK DAGING, PUTUH URAT, BATAKUK TULANG

DINAMOKAN LUKO PEDEN, SIPAT PEDEN UTANGNYO 4 KAYU KAIN

2.       PATAH TULANG BUSISUKAN DAGING, BASISIKAN URAT, TAJUNGEK KA KULIT DINAMOKAN BANTEH UTANGNYO SEBANYAK 4 KAYU KAIN

3.       GETEH JANGAT BAKUAK DAGING, DINAMOKAN LUKO BIASO, UTANGNYO DIPAMPEH

LARONG SEMBILAN

1.      MEMBUNYIKAN SESUATU LARANGAN, 1 KAYU KAIN

2.      PARIT TERAMPAR, 1 KAYU KAIN

3.      PANGGAN PUTUH, 1 KAYU KAIN

4.      MENCABUT SENJATO TAJAM, 1 KAYU KAIN

5.      LAKI-LAKI MENGEJAR PEREMPUAN DITENGAH PADANG, 1 KAYU KAIN

6.      LAKI-LAKI MENGEJAR ANAK LAKI-LAKI, 1 KAYU KAIN

7.      LAKI-LAKI MENGEJAR ANAK PEREMPUAN, 1 KAYU KAIN

8.      MURANDO MEMUNTING DIRI, 6 KAYU KAIN

9.      PAGAR MENUTUP TANAMAN, TANAMAN MERUNTUH PAGAR 9 KAYU KAIN

PINTU SALAH

1.      MULUT SALAH BUKATO

2.      MATO SALAH MELIHAT

3.      TELINGO SALAH MENDENGAR

4.      TANGAN SALAH MENGGAPAI

5.      KAKI SALAH MELANGKAH

 

YANG DIKATOKAN ARAH AJUN ILO BENTANG IALAH

1.      YANG MENGARAH IYOLAH DEPATI

2.      YANG MENGAJUN IYOLAH NINIK MAMAK

3.      YANG MENGILO IYOLAH ANAK JANTAN

4.      YANG MUMENTANG IYOLAH ANAK BATINO

5.      KERBAU YANG DIPOTONG TENGAH DUO EKOR, TANDUK YANG SEBELAH KANAN TERLETAK DIRUMAH NENEK BESI, YAITU DISURUH TANDUK SEBELAH KIRI TERELETAK DIRUMAH NINEK SURI, YAITU DIRUMAH BAIRAH

KATA-KATA ADAT

1.     DIRUMAH INI AKU PERITKAN DADO KENCANGKAN LENGAN, BUBINTANGKAN PETIH

2.     IDAK TAHU KANDANG AWAL PAGAR AKHIR, ADAT ADAT DI PALUNGAM, SERAK SERAK   DIPALUNTAM

3.      MEANUKAN SIRET DINGE BUUN, JENGKUN DINGE PAKU, SILANG DINGE SELISIH, BURUK DINGE BAIK

4.      BUSEMUT BUSILO PADO, BUNYAMUK  KUPIKAT, HUJAN PETUH HUJAN KILAT, TERJUN SIANG TERJUN MALAM

5.      MANIH BAGULO LEMAK BUSANTAN

6.      MELOMPAT KANDANG ME AMBUR PAGAR, YAITU ANAK BINI ANAK URANG

          ( IBU SALAH )

IKU LAHONG, KEPALO PANTANG TASURUK, YANG BASAMO TAPANJAT, YANG BASALENGKANG, YAITU ANAK TUNONG UHANG